Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 90:1-17

Xikhongelo xa Muxe,munhu wa Xikwembu xa ntiyiso.+ 90  Oho Yehovha, kunene wena u ve vutshamobya hina bya xirivi+ Eka xitukulwana xin’wana ku ya eka xitukulwana xin’wana.+   Tintshava ti nga si velekiwa,+ Kumbexana u humese misava+ ni tiko leri noneke+ onge hiloko u swi humesa hi switlhavi swa ku veleka, U Xikwembu ku suka enkarhini lowu nga riki na makumu ku ya enkarhini lowu nga riki na makumu.+   U endla leswaku munhu wa nyama a tlhelela entshurini,+ Naswona u ri: “Tlhelelani, n’wina vana va vanhu.”+   Hikuva malembe ya 1 000 ematihlweni ya wena ma fana ni siku ra tolo loko ri hundzile,+ Ku fana ni ku rindza nivusiku.+   U va kukurile;+ va va vurhongo byinene;+ Nimixo va fana ni byanyi bya rihlaza lebyi cincaka.+   Bya rhumbuka nimixo naswona bya cinca;+ Nimadyambu bya vuna, kunene byi oma.+   Hikuva hi herile hi ku hlundzuka ka wena,+ Hi chavisiwe hi vukarhi bya wena.+   U veke swidyoho swa hina kwalaho mahlweni ka wena,+ Swilo swa hina leswi fihliweke emahlweni ka xikandza xa wena lexi vangamaka.+   Hikuva masiku ya hina hinkwawo ma hungutekile hikwalaho ka ku hlundzuka ka wena;+ Hi hete malembe ya hina ku fana ni ku hlevetela ntsena.+ 10  Masiku ya malembe ya hina i malembe ya 70;+ Loko ku ri hikwalaho ka matimba yo hlawuleka i malembe ya 80,+ Kambe eka wona ku tshama ku ri ni ku karhateka ni swilo swo biha;+ Hikuva ma hundza hi ku hatlisa, kutani hi haha.+ 11  I mani la tivaka ntamu wa ku hlundzuka ka wena+ Ni ku kariha ka wena hi ku landza ku ku chava?+ 12  Hi dyondzise ku hlaya masiku ya hina hi ndlela leyi+ Hi nga tisaka mbilu ya vutlhari+ ha yona. 13  Vuya, Wena Yehovha!+ Xana swi ta teka nkarhi wo fikela kwihi?+ Tisole hikwalaho ka malandza ya wena.+ 14  Hi enerise nimixo hi musa wa wena wa rirhandzu,+ Leswaku hi ta huwelela hi ku tsaka, hi ta tsaka emasikwini ya hina hinkwawo.+ 15  Hi tsakise emasikwini lawa u hi xaniseke ha wona,+ Malembe lawa hi voneke khombo ha wona.+ 16  Onge ntirho wa wena wu nga vonaka eka malandza ya wena+ Ni ku vangama ka wena ehenhla ka vana va vona.+ 17  Ku tsakisa ka Yehovha Xikwembu xa hina a ku ve ehenhla ka hina,+ Ni ntirho wa mavoko ya hina wu simeke wu tiya ehenhla ka hina.+ Ina, ntirho wa mavoko ya hina, wu simeke wu tiya.+

Tinhlamuselo ta le hansi