Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 9:1-20

Mufambisi wa Mutilabeni. Miloti ya Davhida. א [ʼAʹleph] 9  Oho Yehovha, ndzi ta ku dzunisa hi mbilu ya mina hinkwayo;+Ndzi ta vula mintirho+ ya wena hinkwayo yo hlamarisa.   Ndzi ta tsaka ni ku khana eka wena,+Ndzi ta yimbelelela vito ra wena miloti, Wena La nge Henhlahenhla.+ ב [Behth]   Loko valala va mina va tlhela,+Va ta khunguvanyeka kutani va lova emahlweni ka wena.+   Hikuva u humese vuavanyisi bya mina ni mhaka ya mina;+U tshame exiluvelweni u avanyisa hi ku lulama.+ ג [Giʹmel]   U tshinye matiko,+ u lovise lowo homboloka.+Vito ra vona u ri herisele makumu, hi masiku ni masiku.+   Wena nala, ku onhetela ka wena ku helele makumu,+Ni miti leyi u yi simuleke.+A ku nge he vulavuriwi ha yona.+ ה [Heʼ]   Loko ku ri Yehovha, u ta tshama hilaha ku nga riki na makumu,+A simeka xiluvelo xakwe xa vuavanyisi xi tiya.+   Yena u ta ri avanyisa hi ku lulama+ tiko leri noneke;U ta tengisa vanhu va matiko hi vuavanyisi byo lulama.+ ו [Waw]   Yehovha u ta va xisirhelelo lexi tlakukeke eka un’wana ni un’wana la pfotlosiweke,+Xisirhelelo lexi tlakukeke hi minkarhi ya maxangu.+ 10  Naswona lava tivaka vito ra wena va ta ku tshemba,+Hikuva a wu nge va tshiki lava ku lavaka hakunene, Wena Yehovha.+ ז [Zaʹyin] 11  N’wina vanhu, yimbelelelani Yehovha miloti, yena la tshamaka eSiyoni;+Byelani vanhu swiendlo+ swakwe. 12  Hikuva loko a lava ku halata ngati,+ kunene u ta va tsundzuka vona volavo;+Kunene a nge ku rivali ku rila ka lava xanisekaka.+ ח [Chehth] 13  Oho Yehovha, ndzi kombe tintswalo; vona ku xaniseka ka mina hikwalaho ka lava va ndzi vengaka,+Wena la ndzi tlakusaka ehenhla ka tinyangwa ta rifu,+ 14  Leswaku ndzi ta vula swiendlo swa wena hinkwaswo leswi vongekaka+Etinyangweni+ ta nhwanyana wa Siyoni,+Leswaku ndzi ta tsaka eku ponisiweni+ ka wena. ט [Tehth] 15  Matiko ma hojomele emugodini lowu ma wu endleke;+Nenge wa wona wu khomekile+ eka rikoka+ leri ma ri fihleke. 16  Yehovha u tiviwa hi vuavanyisi lebyi a byi humeseke.+Munhu lowo homboloka u yengiwe+ hi ntirho wa mavoko ya yena.Hagayoni. Seʹlah. י [Yohdh] 17  Vanhu vo homboloka+ va ta tlhelela eSheol,+Ni matiko hinkwawo lama rivalaka Xikwembu.+ 18  Hikuva xisiwana a xi nge rivariwi+ nkarhi hinkwawo,Hambi ku ri ntshembo wa lavo rhula a wu nge heli.+ כ [Kaph] 19  Oho Yehovha, Humelela! Munhu wa nyama a nga tshuki a vonaka a ri ni ntamu+ lowu tlulaka wa wena.Matiko a ma avanyisiwe emahlweni ka xikandza xa wena.+ 20  Nghenisa ku chava eka wona, Wena Yehovha,+Leswaku matiko ma ta swi tiva leswaku i vanhu va nyama+ ntsena. Seʹlah.

Tinhlamuselo ta le hansi