Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 89:1-52

Maskili. Ya Ethani lowa ka Ezara.+ 89  Ndzi ta yimbelela hi swikombiso swa Yehovha swa musa wa rirhandzu, hilaha kunga riki na makumu.+ Ndzi ta tivisa ku tshembeka ka wena hi nomu wa mina eka xitukulwana xin’wana ku ya eka xitukulwana xin’wana.+   Hikuva ndzi te: “Musa wa rirhandzu wu ta tshama wu akiwile hilaha ku nga riki na makumu;+ Loko ku ri matilo, u veka ku tshembeka ka wena ku simekiwe ku tiya eka wona.”+   “Ndzi endle ntwanano eka muhlawuriwa wa mina;+ Ndzi hlambanyile eka Davhida nandza wa mina,+   ‘Ndzi ta simeka mbewu+ ya wena hilaha ku nga riki na makumu, Naswona ndzi ta aka xiluvelo+ xa wena ku suka eka xitukulwana xin’wana ku ya eka xitukulwana xin’wana.’” Seʹlah.   Ni matilo ma ta dzunisa xiendlo xa wena xo hlamarisa, Wena Yehovha,+ Ina, ku tshembeka ka wena enhlengeletanweni ya vakwetsimi.   Hikuva i mani exibakabakeni la nga fanisiwaka na Yehovha?+ I mani la nga fanaka na Yehovha exikarhi ka vana va Xikwembu?+   Xikwembu xi fanele xi xiximiwa exikarhi ka ntlawa lowukulu wa vakwetsimi;+ I xikulu naswona xa chaviseka ehenhla ka hinkwavo lava va xi rhendzeleke.+   Oho Yehovha Xikwembu xa mavuthu,+ I mani la nga ni matimba ku fana na wena, Wena Yah?+ Ku tshembeka ka wena ku ku rhendzerile.+   U fuma ehenhla ka ku kukumuka ka lwandle;+ Loko ri tlakusa magandlati ya rona, wena wa ri rhulisa.+ 10  Wena u pfotlose Rahava,+ ku fana ni munhu la dlayiweke.+ U hangalase valala va wena hi ntamu wa voko ra wena.+ 11  Tilo i ra wena,+ ni misava i ya wena;+ Tiko leri noneke ni leswi swi taleke eka rona+—wena u swi simekile.+ 12  N’walungu ni dzonga—wena u swi tumbuluxile;+ Taboro+ na Herimoni+—ti huwelela vito ra wena hi ku tsaka.+ 13  Voko leri nga ni matimba i ra wena,+ Voko ra wena ri ni ntamu,+ Voko ra wena ra xinene ri tlakusiwile.+ 14  Ku lulama ni vuavanyisi i ndhawu ya xiluvelo xa wena;+ Musa wa rirhandzu ni ntiyiso swi ta emahlweni ka xikandza xa wena.+ 15  Va tsaka vanhu lava tivaka ku huwelela ka ku tsaka.+ Oho Yehovha, va hambeta va famba hi ku landza ku vonakala ka xikandza xa wena.+ 16  Va tsaka siku hinkwaro evitweni ra wena+ Naswona va tlakusiwa hi ku lulama ka wena.+ 17  Hikuva wena u ku saseka ka ntamu wa vona;+ Naswona nanga ya hina yi tlakusiwa hi vunene bya wena.+ 18  Hikuva xitlhangu xa hina i xa Yehovha,+ Ni hosi ya hina i ya Mukwetsimi wa Israyele.+ 19  Hi nkarhi wolowo u vulavule hi xivono eka lavo tshembeka va wena,+ Kutani u te: “Ndzi langutele mpfuno eka lowa matimba;+ Ndzi tlakuse muhlawuriwa exikarhi ka vanhu.+ 20  Ndzi kume Davhida nandza wa mina;+ Ndzi n’wi tote hi mafurha ya mina yo kwetsima,+ 21  Loyi voko ra mina ri nga ta tiya ha yena,+ Loyi voko ra mina ri nga ta n’wi tiyisa.+ 22  A nga kona nala la nga ta n’wi sindzisa,+ Hambi ku ri n’wana wihi ni wihi la nga lulamangiki la nga ta n’wi xanisa.+ 23  Ndzi pfotlose swirha swa yena emahlweni ka yena,+ Lava n’wi vengaka swinene a ndzi hambeta ndzi va ba.+ 24  Ku tshembeka ka mina ni musa wa mina wa rirhandzu swi le ka yena,+ Naswona nanga ya yena yi tlakusiwile evitweni ra mina.+ 25  Ndzi veke voko rakwe elwandle+ Ni voko rakwe ra xinene emilambyeni.+ 26  Yena u ndzi huwelerile, ‘U Tata wa mina,+ Xikwembu+ xa mina ni Ribye ra mina ra ku ponisiwa.’+ 27  Ndzi ta tlhela ndzi n’wi veka a va mativula,+ A va la tlakukeke eka tihosi ta misava.+ 28  Ndzi ta hlayisa musa wa mina wa rirhandzu eka yena hilaha ku nga riki na makumu,+ Ntwanano wa mina wu ta va ku tshembeka eka yena.+ 29  Kunene ndzi ta veka mbewu ya yena hi masiku+ Ni xiluvelo xakwe tanihi masiku ya tilo.+ 30  Loko vana vakwe va siya nawu wa mina+ Naswona va nga fambi hi swiboho swa mina swa vuavanyisi,+ 31  Loko va nyamisa milawu ya mina Naswona va nga swi hlayisi swileriso swa mina, 32  Ndzi fanele ndzi yisa nyingiso wa mina hi nhonga+ eka ku tlula ka vona nawu Ni le xidyohweni xa vona hi minkhavi.+ 33  Kambe musa wa mina wa rirhandzu a ndzi nge wu susi eka yena,+ Hambi ku ri ku vonaka ndzi ri ni vunwa malunghana ni ku tshembeka ka mina.+ 34  A ndzi nge wu nyamisi ntwanano wa mina,+ Ni rito leri humaka enon’wini wa mina a ndzi nge ri hundzuli.+ 35  Loko se ndzi hlambanyile hi vukwetsimi bya mina,+ Davhida a ndzi nge n’wi byeli mavunwa.+ 36  Mbewu ya yena yi ta tshama hilaha ku nga riki na makumu,+ Ni xiluvelo xakwe xi ta fana ni dyambu emahlweni ka mina.+ 37  Xi ta simekiwa xi tiya hilaha ku nga riki na makumu, Ku fana ni mbhoni yo tshembeka exibakabakeni.” Seʹlah. 38  Kambe wena—u cukumetile naswona u hambeta u nyenya;+ U hlundzukele mutotiwa wa wena.+ 39  U tlule ntwanano wa nandza wa wena; U nyamise xidlodlo xakwe emisaveni.+ 40  U mbundzumuxe matshanga yakwe ya maribye hinkwawo;+ U onhe marhangu ya yena.+ 41  Hinkwavo lava hundzaka hi ndlela va n’wi phangerile;+ U ve ndzhukano eka vaakelani vakwe.+ 42  U tlakuse voko ra xinene ra swirha swa yena;+ U endle leswaku valala va yena hinkwavo va tsaka.+ 43  Ku tlula kwalaho, u teke tlhari ra yena ri ri xirha,+ Naswona u endle leswaku a nga yimi a tiyile enyimpini.+ 44  U endle leswaku ku vangama kakwe ku hela,+ Xiluvelo xakwe u xi lahlele emisaveni.+ 45  U komise masiku ya vuntshwa bya yena; U n’wi tsondzele hi tingana.+ Seʹlah. 46  Oho Yehovha, xana u ta titumbeta ku fikela rini? Nkarhi hinkwawo?+ Xana vukarhi bya wena byi ta hambeta byi pfurha ku fana ni ndzilo?+ 47  Tsundzuka leswaku i khale swinene ndzi hanya.+ Xana u va tumbuluxele swa hava vana va vanhu?+ 48  Hi wihi munhu la tiyeke emirini, la hanyaka, la nga ta ka a nga fi?+ Xana a nga wu ponisa moya-xiviri wakwe evokweni ra Sheol?+ Seʹlah. 49  Swi kwihi swiendlo swa wena swo sungula swa musa wa rirhandzu, Wena Yehovha, Leswi u swi hlambanyeleke Davhida hi ku tshembeka ka wena?+ 50  Oho Yehovha, tsundzuka ndzhukano lowu nga ehenhla ka malandza ya wena,+ Ndzhukano lowu ndzi wu rhwaleke exifuveni xa mina, wa vanhu hinkwavo vo tala,+ 51  Ndlela leyi valala va wena va rhukaneke ha yona, Wena Yehovha,+ Ndlela leyi va rhukaneke mikondzo ya mutotiwa wa wena ha yona.+ 52  Yehovha a a dzunisiwe hilaha ku nga riki na makumu. Amen, Amen.+

Tinhlamuselo ta le hansi