Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 88:1-18

Risimu, miloti ya vana va Kora. Eka mufambisi wa Mahalati ya ku hlamula. Maskili ya Hemani+ lowa ka Ezara. 88  Oho Yehovha, Xikwembu xa ku ponisiwa kamina,+ Ndzi huwelerile ninhlikanhi,+ Ni nivusiku emahlweni ka wena.+   Xikhongelo xa mina xi ta ta emahlweni ka wena.+ Yingisa ku huwelela ka mina ka ku kombela.+   Hikuva moya-xiviri wa mina wu ve ni makhombo yo tala,+ Naswona vutomi bya mina byi khumbe Sheol.+   Ndzi hlayiwe exikarhi ka lava va rhelelaka emugodini;+ Ndzi fane ni munhu la tiyeke emirini la nga riki na ntamu,+   La ntshunxiweke exikarhi ka lava feke+ Ku fana ni lava dlayiweke lava etleleke exilahlweni,+ Lava u nga ha va tsundzukiki Lava hambanisiweke ni voko ra wena leri pfunaka.+   U ndzi nghenise emugodini wo enta swinene, Etindhawini ta munyama, ekheleni lerikulu ro enta.+   Vukarhi bya wena byi wele ehenhla ka mina,+ Naswona u ndzi xanise hi magandlati ya wena hinkwawo ya matimba.+ Se′lah.   Lava ndzi tolovelaneke na vona u va veke ekule na mina;+ U ndzi endle ndzi va nchumu lowu nyenyetsaka eka vona.+ Ndzi sivelelekile, a ndzi nge humi.+   Tihlo ra mina ri tsanile hikwalaho ka ku xaniseka ka mina.+ Oho Yehovha, ndzi ku vitanile siku hinkwaro;+ Ndzi tshambulute swandla swa mina eka wena.+ 10  Xana u ta va endlela xihlamariso lava feke?+ Kumbe, xana lava hluriweke hi rifu va ta pfuka,+ Xana va ta ku dzunisa?+ Se′lah. 11  Xana musa wa wena wa rirhandzu wu ta vuriwa exilahlweni, Ku tshembeka ka wena endhawini ya ndzoviso?+ 12  Xana ku hlamarisa ka wena ku ta tiviwa emunyameni,+ Kumbe ku lulama ka wena etikweni ra ku rivariwa?+ 13  Oho Yehovha, ndzi rilele wena ndzi kombela ku pfuniwa,+ Naswona xikhongelo xa mina xi hambeta xi ta eka wena nimixo.+ 14  Oho Yehovha, ha yini u cukumeta moya-xiviri wa mina?+ Ha yini u ndzi tumbetela xikandza xa wena?+ 15  Ku sukela ndza ha ri mufana ndza xaniseka naswona ndzi le kusuhi ni ku timeka;+ Ndzi swi byarhe swinene swilo leswi chavisaka leswi humaka eka wena.+ 16  Ku vonakala ka ku hlundzuka ka wena lokukulu ku hundze ehenhla ka mina;+ Ku chava loku humaka eka wena ku ndzi miyetile.+ 17  Ku ndzi rhendzerile ku fana ni mati siku hinkwaro;+ Hinkwako ku ndzi rhendzele hi nkarhi wun’we. 18  U n’wi veke ekule na mina nakulorhi ni munghana;+ Leswi ndzi tolovelaneke na swona i ndhawu ya munyama.+

Tinhlamuselo ta le hansi