Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 86:1-17

Xikhongelo xa Davhida. 86  Oho Yehovha, rhiya ndleve. Ndzi hlamule,+ Hikuva ndza xaniseka naswona ndzi xisiwana.+   Rindza moya-xiviri wa mina, hikuva ndzi tshembekile.+ Ponisa nandza wa wena—u Xikwembu xanga—la ku tshembaka.+   Ndzi kombe tintswalo, Wena Yehovha,+ Hikuva ndzi vitana wena siku hinkwaro.+   Tsakisa moya-xiviri wa nandza wa wena,+ Hikuva ndzi tlakusela moya-xiviri wa mina eka wena,+ Wena Yehovha.   Oho Yehovha, u lonene+ naswona u lunghekele ku rivalela;+ Musa wa rirhandzu wu tele eka hinkwavo lava ku vitanaka.+   Oho Yehovha, yingisa xikhongelo xa mina;+ U nyikela nyingiso eritweni ra swikombelo swa mina.+   Esikwini ra maxangu ya mina ndzi ta vitana wena,+ Hikuva u ta ndzi hlamula.+   A nga kona la fanaka na wena exikarhi ka swikwembu, Wena Yehovha,+ Ni mintirho leyi fanaka ni ya wena a yi kona.+   Matiko hinkwawo lawa u ma endleke ma ta ta,+ Ma ta nkhinsama emahlweni ka wena, Wena Yehovha,+ Naswona ma ta vangamisa vito ra wena.+ 10  Hikuva u lonkulu naswona u endla swilo swo hlamarisa swinene;+ U Xikwembu, wena u ri wexe.+ 11  Oho Yehovha, ndzi letele hi ndlela ya wena.+ Ndzi ta famba entiyisweni wa wena.+ Endla mbilu ya mina yi va ni vun’we leswaku yi chava vito ra wena.+ 12  Ndza ku dzunisa, Wena Yehovha Xikwembu xanga, hi mbilu ya mina hinkwayo,+ Naswona ndzi ta vangamisa vito ra wena hilaha ku nga riki na makumu, 13  Hikuva musa wa wena wa rirhandzu i wukulu eka mina,+ Naswona u kutsule moya-xiviri wa mina eSheol, endhawini ya yona ya le hansi swinene.+ 14  Oho Xikwembu, lava va tikukumuxaka va ndzi pfukerile;+ Ni ntshungu wa lava va tihanyi a wu lava moya-xiviri wa mina,+ Naswona a va ku vekanga emahlweni ka vona.+ 15  Kambe Wena Yehovha, u Xikwembu xa tintswalo ni nsovo,+ Lexi hlwelaka ku hlundzuka+ naswona xi nga ni musa wo tala wa rirhandzu ni ntiyiso.+ 16  Hundzulukela eka mina u ndzi komba tintswalo.+ Nyika nandza wa wena ntamu wa wena,+ Naswona ponisa n’wana wa hlonga ra wena ra xisati.+ 17  Ndzi endlele xikombiso lexi vulaka vunene, Leswaku lava va ndzi vengaka va xi vona, va khomiwa hi tingana.+ Hikuva wena Yehovha, u ndzi pfunile u tlhela u ndzi chavelela.+

Tinhlamuselo ta le hansi