Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 84:1-12

Eka mufambisi wa Gititi.+ Ya vana va Kora. Miloti. 84  Mawaku ku xonga ka tabernakela ya wena leyikulu,+ Oho Yehovha wa mavuthu!+   Moya-xiviri wa mina a wu navela ni ku hisekela swivava swa Yehovha.+ Mbilu ya mina ni nyama ya mina swi huwelela hi ku tsaka eka Xikwembu lexi hanyaka.+   Ni nyenyana yi kume yindlu, Ni nyenga yi tikumele xisaka, Laha yi vekeke mavondlo ya yona— Alitari ya wena leyikulu, Wena Yehovha wa mavuthu, Hosi yanga ni Xikwembu xanga!   Va tsaka lava tshamaka endlwini ya wena!+ Va ha hambeta va ku vonga.+ Se′lah.   Va tsaka vanhu lava ntamu wa vona wu nga eka wena,+ Lava ku nga ni magondzo lamakulu embilwini ya vona.+   Loko va hundza erivaleni ra le hansi ra swihlahla swa bakha,+ Va ri hundzula xihlovo; Muleteri+ u titsondzela hi mikateko.   Va ta famba ku suka eka ntamu lowukulu ku ya eka ntamu lowukulu;+ Un’wana ni un’wana a humelela eka Xikwembu eSiyoni.+   Oho Yehovha Xikwembu xa mavuthu, yingisa xikhongelo xa mina;+ Yingisa, Wena Xikwembu xa Yakobe.+ Se′lah.   Languta xitlhangu xa hina, Wena Xikwembu,+ Languta xikandza xa mutotiwa wa wena.+ 10  Hikuva siku rin’we eswivaveni swa wena ri tlula gidi endhawini yin’wana.+ Ndzi hlawule ku tshama enyangweni ya yindlu ya Xikwembu xanga+ Ematshan’weni yo rhendzeleka emintsongeni ya vuhomboloki.+ 11  Hikuva Yehovha Xikwembu i dyambu+ ni xitlhangu;+ U nyika tintswalo ni ku vangama.+ Yehovha a nge va tsoni nchumu wihi ni wihi lowunene lava fambaka hi ndlela leyi pfumalaka xihoxo.+ 12  Oho Yehovha wa mavuthu, wa tsaka munhu la ku tshembaka.+

Tinhlamuselo ta le hansi