Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 81:1-16

Eka mufambisi wa Gititi.+ Ya Asafa. 81  Huwelelani hi ku tsaka eka Xikwembu, ntamu wa hina;+ Huwelelani hi ku hlula eka Xikwembu xa Yakobe.+   Sumani miloti+ mi teka xingomana,+ Haripa leyi tsakisaka ni swichayachayana swa switende.+   Hi ku thwasa ka n’weti, yimbani nanga;+ Loko n’weti wu ba mahlampfu, hi siku ra nkhuvo wa hina.+   Hikuva i xileriso xa Israyele,+ Xiboho xa vuavanyisi xa Xikwembu xa Yakobe.   Xi xi veke ehenhla ka Yosefa leswaku xi va xitsundzuxo,+ Loko xi huma xi ya etikweni ra Egipta.+ A ndzi tshamela ku twa ririmi leri ndzi nga ri tiviki.+   “Ndzi suse ndzhwalo ekatleni rakwe;+ Mavoko ya yena ma ntshunxekile ni le xirhundzwini.+   U vitanile u ri emaxangwini, kutani ndzi ku ponisa;+ Ndzi ku hlamurile ndzi ri endhawini leyi tumbeleke ya ku dzindza.+ Ndzi ku kamberile ematini ya Meriba.+ Seʹlah.   N’wina vanhu va mina, yingisani, ndzi ta nyikela vumbhoni lebyi byi mi kanetaka,+ Oho Israyele, loko wo ndzi yingisa.+   Exikarhi ka wena a xi nge vi kona xikwembu ximbe;+ Naswona a wu nge xi nkhinsameli xikwembu ximbe.+ 10  Mina Yehovha, ndzi Xikwembu xa wena,+ Lexi ku humeseke etikweni ra Egipta.+ Ahlamisa nomu wa wena swinene, ndzi ta wu tata.+ 11  Kambe vanhu va mina a va ri yingisanga rito ra mina;+ Israyele a nga ndzi rhandzanga.+ 12  Kutani ndzi va tshike va famba hi ku sihalala ka mbilu ya vona;+ Va fambe hi switsundzuxo swa vona.+ 13  Mawaku loko vanhu va mina a va ndzi yingisile,+ Mawaku loko Israyele a a fambe etindleleni ta mina!+ 14  Valala va vona a ndzi ta va hlula hi ku olova,+ A ndzi ta hundzuluxela voko ra mina eka swirha swa vona.+ 15  Loko ku ri lava va vengaka Yehovha swinene, va ta ta eka yena hi ku titsongahata lokukulu,+ Naswona nkarhi wa vona wu ta va kona hilaha ku nga riki na makumu. 16  U ta hambeta a n’wi phamela koroni leyi noneke,+ Ndzi ta ku xurhisa hi vulombe+ lebyi humaka eribyeni.”

Tinhlamuselo ta le hansi