Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 80:1-19

Eka mufambisi wa Makhon’wa.+ Xitsundzuxo. Ya Asafa.+ Miloti. 80  Wena Murisi wa Israyele, yingisa,+ Wena la kongomisaka Yosefa kukota ntlhambi.+ Wena la tshameke ehenhla ka makerubu,+ vangama.+   Tlakusa matimba ya wena emahlweni ka Efrayimi na Benjamini na Manase,+ Hi ponise.+   Oho Xikwembu, hi vuyise;+ Voninga xikandza xa wena, leswaku hi ta ponisiwa.+   Oho Yehovha Xikwembu xa mavuthu, xana u ta hlundzukela xikhongelo xa vanhu va wena ku fikela rini?+   U va dyise xinkwa hi mihloti,+ Naswona u endla leswaku va nwa mihloti ehenhla ka mihloti hi mpimo lowukulu.+   U endla leswaku hi lwa ni vaakelani va hina,+ Valala va hina va hi hlekula hilaha va rhandzaka hakona.+   Oho Xikwembu xa mavuthu, hi vuyise;+ Voninga xikandza xa wena, leswaku hi ta ponisiwa.+   U endle leswaku murhi wa vhinya wu suka aEgipta.+ U tshamela ku hlongola matiko, leswaku u ta wu byala.+   U wu khulerile,+ leswaku wu ta dzima rimitsu wu tata tiko.+ 10  Tintshava a ti funengetiwe hi ndzhuti wa wona, Ni mikedari ya Xikwembu hi marhavi ya wona.+ 11  Hakatsongo-tsongo wu rhumele marhavi ya wona ku ya fika elwandle,+ Ni swirhabyana swa wona eNambyeni.+ 12  Ha yini u mbundzumuxe marhangu ya wona ya maribye,+ Naswona ha yini hinkwavo lava hundzaka egondzweni va wu khile?+ 13  Nguluve ya nhova leyi humaka eswihlahleni yi tshamela ku wu dya,+ Ni mintlhambi ya swiharhi swa nhova yi hambeta yi wu dya.+ 14  Oho Xikwembu xa mavuthu, hi kombela u vuya;+ Languta u ri ematilweni u vona murhi lowu wa vhinya, u wu khathalela,+ 15  Ni mhandzi leyi voko ra wena ra xinene ri yi byaleke,+ Languta n’wana loyi wena u n’wi tiyiseke.+ 16  Wu hisiwe hi ndzilo, wu tsemiwa.+ Va lova hikwalaho ka ku tshinya ka xikandza xa wena.+ 17  Voko ra wena a ri ve ehenhla ka munhu la nge vokweni ra wena ra xinene,+ Ehenhla ka n’wana wa vanhu loyi u n’wi tiyiseke,+ 18  A hi nge ku siyi.+ Onge u nga hi hlayisa hi hanya, leswaku hi ta vitana evitweni ra wena.+ 19  Oho Yehovha Xikwembu xa mavuthu, hi vuyise;+ Voninga xikandza xa wena, leswaku hi ta ponisiwa.+

Tinhlamuselo ta le hansi