Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 8:1-9

Mufambisi wa Gititi.+ Miloti ya Davhida. 8  Oho Yehovha Hosi ya hina, vito ra wena i rikulu swinene emisaveni hi nkwayo,+ Wena loyi xindzhuti xa wena xi tlakukeke ehenhlahenhla ka matilo!+   U kume ntamu+ emilon’wini ya vana ni ya lava an’waka, Hikwalaho ka lava va ku vengaka,+ Leswaku u tshikisa valala ni lava tirihiselaka.+   Loko ndzi vona matilo ya wena, mintirho ya tintiho+ ta wena, N’weti ni tinyeleti leswi u swi lunghiseleleke,+   Xana munhu wa nyama+ wo va yini lerova u nga n’wi anakanya,+ Ni n’wana wa munhu wa nyama leswaku u n’wi khathalela?+   U tlhele u n’wi endla lontsongo eka lava fanaka ni Xikwembu,+ Kutani u n’wi tlhandleka+ harhi ya ku vangama+ ni ku hatima.   U n’wi endle a fuma mintirho ya mavoko ya wena;+ Hinkwaswo u swi veke ehansi ka milenge yakwe:+   Tinyimpfu ni timbuti ni tinkunzi, hinkwaswo ka swona,+ Ni swiharhi swa nhova,+   Tinyenyana ta tilo ni tinhlampfi ta lwandle,+ Xin’wana ni xin’wana lexi hundzaka emintileni ya malwandle.+   Oho Yehovha Hosi ya hina, vito ra wena i rikulu swinene emisaveni hinkwayo!+

Tinhlamuselo ta le hansi