Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 77:1-20

Eka mufambisi wa Yedutani. Ya Asafa.+ Miloti. 77  Ndzi ta huwelela hi rito ra mina eka Xikwembu,+Hi rito ra mina eka Xikwembu, kunene xi ta ndzi yingisa.+   A ndzi lavisisa Yehovha hi siku ra maxangu ya mina.+Nivusiku voko ra mina a ri tshambulukile naswona ri nga khomiwi hi vusindza;Moya-xiviri wa mina wu ale ku chaveleriwa.+   Ndzi ta tsundzuka Xikwembu, kutani ndzi konya;+Ndzi ta karhateka, leswaku moya wa mina wu tsana.+ Seʹlah.   U khome tinxiyi ta mina;+Kutani ndzi rhurhumerile, a ndzi swi koti ku vulavula.+   Ndzi ehlekete masiku ya khale swinene,+Malembe ya khale swinene.   Ndzi ta tsundzuka vuyimbeleri bya mina bya xitende nivusiku;+Ndzi ta karhateka hi mbilu ya mina,+Moya wa mina wu ta lavisisa hi vukheta.   Xana Yehovha u ta ndzi cukumeta hilaha ku nga riki na makumu,+Xana a nge he tsaki nakambe?+   Xana musa wakwe wa rirhandzu wu helele makumu?+Xana rito rakwe ri ta va ra hava+ eka xitukulwana xin’wana ku ya eka xitukulwana xin’wana?   Xana Xikwembu xi rivele ku kombisa tintswalo,+Kumbe, xana xi sive tintswalo ta xona hi ku hlundzuka?+ Seʹlah. 10  Xana ndzi ta tshamela ku vula ndzi ku: “Lexi hi xona xi ndzi tlhavaka,+Ku hundzuka ka voko ra xinene ra La nge Henhla-henhla”?+ 11  Ndzi ta tsundzuka leswi Yah a a swi endla;+Hikuva ndzi ta tsundzuka leswi u swi endleke swo hlamarisa swa khale swinene.+ 12  Kunene ndzi ta anakanyisisa hi mintirho ya wena hinkwayo,+Ndzi ta ehleketa hi ntirhisano wa wena.+ 13  Oho Xikwembu, ndlela ya wena yi le ndhawini yo kwetsima.+I mani Xikwembu lexikulu lexi fanaka ni Xikwembu?+ 14  U Xikwembu xa ntiyiso, lexi endlaka swo hlamarisa.+U endle leswaku ntamu wa wena wu tiviwa exikarhi ka vanhu.+ 15  U kutsule vanhu va wena hi voko ra wena,+Vana va Yakobe ni va Yosefa. Seʹlah. 16  Mati ma ku vonile, Wena Xikwembu,Mati ma ku vonile; ma sungule ku va ni switlhavi leswikulu.+Ni swidziva swa mati swi sungule ku dungeka.+ 17  Mapapa ma chulule mati ku ri karhi ku dzindza;+Mpfumawulo wu hume eswibakabakeni leswi nga ni mapapa.Ni miseve ya wena yi ye hala ni hala.+ 18  Mpfumawulo wa ku dzindza ka wena a wu fana ni mavhilwa ya golonyi;+Tindlati ti voninge tiko leri noneke;+Misava yi ninginika ni ku tsekatseka.+ 19  Ndlela ya wena a yi ri exikarhi ka lwandle,+Gondzo ra wena a ri ri exikarhi ka mati yo tala;Mikondzo ya wena a yi tiviwanga. 20  U rhangele vanhu va wena ku fana ni ntlhambi,+Hi voko ra Muxe ni ra Aroni.+

Tinhlamuselo ta le hansi