Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 76:1-12

Eka mufambisi wa swichayachayana swa switende. Miloti. Ya Asafa.+ Risimu. 76  Xikwembu xa tiviwa eYuda;+ Vito ra xona i rikulu eIsrayele.+   Vutumbelo bya xona byi le Salema,+ Vutshamo bya xona byi le Siyoni.+   Kwalaho xi tshove mimphiselo leyi pfurhaka ya vurha,+ Xitlhangu ni banga ni nyimpi.+ Seʹlah.   Xi funengetiwe hi ku vonakala, i xikulu ku tlula tintshava ta muhlaseriwa.+   Lava va nga ni mbilu leyi nga ni matimba va phangeriwile,+ Va khudzeherile va etlela,+ Naswona a nga kona ni un’we eka vavanuna hinkwavo va vurhena la kumeke mavoko ya vona.+   Hi ku tshinya ka wena, Wena Xikwembu xa Yakobe, muchayeri wa kalichi ni hanci va etlele vurhongo lebyikulu.+   Wena—wa chaviseka,+ I mani la nga yimaka emahlweni ka wena hikwalaho ka ntamu wa ku hlundzuka ka wena?+   U endla leswaku nandzu wu twiwa etilweni;+ Misava yi chava, yi yima yi nga tsekatseki+   Loko Xikwembu xi yima leswaku xi avanyisa,+ Leswaku xi ponisa hinkwavo lavo rhula va misava.+ Seʹlah. 10  Hikuva vukarhi bya munhu byi ta ku dzunisa;+ Vukarhi lebyi seleke u ta tikhama ha byona. 11  Endlani xitshembiso lexi hlambanyiweke kutani mi xi hetisisa eka Yehovha Xikwembu xa n’wina, n’wina hinkwenu lava mi n’wi rhendzeleke.+ A va tise nyiko hi ku chava.+ 12  Yena u ta tsongahata moya wa varhangeri;+ Wa chaviseka eka tihosi ta misava.+

Tinhlamuselo ta le hansi