Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 75:1-10

Eka mufambisi. “U nga lovisi.” Miloti. Ya Asafa.+ Risimu. 75  Ha ku nkhensa, Wena Xikwembu; ha ku nkhensa,+ Naswona vito ra wena ri le kusuhi.+ Vanhu va fanele va vula mintirho ya wena yo hlamarisa.+   “Hikuva ndzi teke nkarhi lowu vekiweke;+ Mina ndzi sungule ku avanyisa hi vululami.+   Misava ni vaaki va yona hinkwavo va n’okile,+ Hi mina la lulamiseke tiphuphu ta yona.”+ Seʹlah.   Ndzi byele swiphukuphuku ndzi ku: “Mi nga vi swiphukuphuku,”+ Ni lavo homboloka: “Mi nga tlakusi nanga.+   Mi nga tlakuseli nanga ya n’wina ehenhla. Mi nga vulavuli hi nhamu yo titlakusa.+   Hikuva ku titlakusa a ku humi evuxeni kumbe evupela-dyambu, Hambi ku ri edzongeni.   Hikuva Xikwembu i muavanyisi.+ Xi tsongahata loyi, xi tlakusa luya.+   Hikuva ku ni xinwelo evokweni ra Yehovha,+ Naswona vhinyo yi tlhutlha khuvi, yi tele mpfangano. Hakunene u ta chulula swisese leswi nga eka yona; Hinkwavo lavo homboloka va misava va ta yi hluta, va yi nwa.”+   Kambe loko ku ri mina, ndzi ta vulavula ha swona hilaha ku nga riki na makumu; Ndzi ta yimbelelela Xikwembu xa Yakobe miloti.+ 10  Tinanga hinkwato ta lowo homboloka ndzi ta ti tsema.+ Tinanga ta lowo lulama ti ta tlakusiwa.+

Tinhlamuselo ta le hansi