Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 74:1-23

Maskili. Ya Asafa.+ 74  Oho Xikwembu, ha yini u hi cukumetele makumu?+ Ha yini ku hlundzuka ka wena ku hambeta ku pfurhela ntlhambi wa madyelo ya wena?+   Tsundzuka ntshungu wa wena lowu u wu kumeke khale swinene,+ Nyimba leyi u yi kutsuleke leswaku yi va ndzhaka ya wena,+ Ntshava leyi ya Siyoni leyi u tshameke eka yona.+   Tlakusela milenge ya wena eka marhumbi lama tshamaka hilaha ku nga riki na makumu.+ Hinkwaswo leswi nala a swi khomeke hi ndlela yo biha endhawini yo kwetsima.+   Lava va ku vengaka va vombile exikarhi ka ndhawu ya wena yo hlanganela eka yona.+ Va veke swikombiso swa vona swi va swikombiso.+   U ni ndhuma yo biha munhu la fanaka ni loyi a tlakuselaka swihloka ehenhla ku tsema khwati ra mirhi.   Kutani hinkwaswo leswi kovotliweke swa wona, va swi ba hi ntlhuvana ni tinhonga leti nga ni nsimbi emakumu.+   Va hoxe vukwetsimelo bya wena endzilweni.+ Va nyamise tabernakela ya vito ra wena emisaveni.+   Vona ni vana va vona, etimbilwini ta vona va vule swin’we va ku: “Tindhawu hinkwato ta ku hlangana ta Xikwembu ti fanele ti hisiwa etikweni.”+   Swikombiso swa hina a hi swi vonanga; a ka ha ri na muprofeta,+ Naswona a nga kona eka hina la tivaka leswaku ku fikela rini. 10  Oho Xikwembu, xana xirha xi ta rhukana ku fikela rini?+ Xana nala u ta tshamela ku khoma vito ra wena hi ndlela leyi nga kombisiki xichavo hi masiku?+ 11  Ha yini u tlherisa voko ra wena, hambi ku ri ku tshama u khondle voko ra wena ra xinene+ Exifuveni xa wena leswaku hi herisiwa? 12  Kambe Xikwembu i Hosi ya mina ku sukela khale swinene,+ Xona lexi xi ndzi ponisaka swinene exikarhi ka misava.+ 13  Wena u dunge lwandle hi ntamu wa wena;+ U tshova tinhloko ta swivandzana swa le lwandle ematini.+ 14  Wena u pfotlose tinhloko ta Levhiyathani.+ U nyike vanhu leswaku ti va swakudya swa vona, lava tshamaka etindhawini leti nga riki na mati.+ 15  Hi wena La pandzeke xihlovo ni xinambyana;+ Hi wena u omiseke milambu+ leyi khulukaka nkarhi hinkwawo. 16  Siku i ra wena; ni vusiku i bya wena.+ Wena u lunghiselele rivoningo, ni dyambu.+ 17  Hi wena la vekeke mindzilakana hinkwayo ya misava;+ Ximumu ni xixika—wena u swi vumbile.+ 18  Tsundzuka leswi: Nala u rhukanile, Wena Yehovha,+ Naswona vanhu vo hunguka va khome vito ra wena hi ndlela leyi nga kombisiki xichavo.+ 19  U nga nyiki xivandzana xa nhova moya-xiviri wa gugurhwana+ ra wena. U nga byi rivali hi masiku vutomi bya vanhu va wena lava xanisekaka.+ 20  Languta ntwanano,+ Hikuva tindhawu leti nga munyama ta misava ti tele hi vutshamo lebyi nga ni madzolonga.+ 21  Onge la pfotlosiweke a nga ka a nga vuyi a tsongahatiwile.+ Onge loyi a xanisekaka ni loyi a nga xisiwana va nga dzunisa vito ra wena.+ 22  Oho Xikwembu, pfuka, kambisisa mhaka ya wena leyi khumbanaka ni nawu.+ Tsundzuka ku rhukaniwa ka wena hi xihunguki siku hinkwaro.+ 23  U nga ri rivali rito ra lava va ku vengaka.+ Huwa ya lava va ku pfukelaka ya tlhandluka nkarhi hinkwawo.+

Tinhlamuselo ta le hansi