Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 72:1-20

Malunghana na Solomoni. 72  Oho Xikwembu, nyikahosi swiboho swa wena swa vuavanyisi,+ Ni ku lulama ka wena ku nyike n’wana wa hosi.+   Onge yi nga rivalela vanhu va wena nandzu wa vona hi ku lulama+ Ni wa vanhu va wena lava xanisekaka hi xiboho xa vuavanyisi.+   Tintshava a ti rhwale ku rhula ti ku yisa eka vanhu,+ Ni switsunga, hi ku lulama.   A yi avanyise lava xanisekaka exikarhi ka vanhu,+ A yi ponise vana va xisiwana, A yi pfotlose mudyeleri.   Va ta ku chava ntsendze loko dyambu+ ra ha ri kona, Ni le mahlweni ka n’weti eka xitukulwana xin’wana ku ya eka xitukulwana xin’wana.+   Yi ta rhelela ku fana ni mpfula ehenhla ka byanyi lebyi tsemiweke,+ Ku fana ni timpfula letikulu leti tsakamisaka misava.+   Emasikwini ya yona lowo lulama u ta hluka,+ Ni ku rhula ku ta andza ku fikela n’weti wu nga ha vi kona.+   Yi ta fuma ku suka elwandle rin’wana ku ya elwandle rin’wanyana+ Ku suka eNambyeni+ ku ya emakumu ka misava.+   Vaaki va le tindhawini leti nga riki na mati va ta nkhinsama emahlweni ka yona,+ Valala va yona va ta nantswa ritshuri.+ 10  Tihosi ta Taraxixi ni ta swihlala+ Ti ta hakela ndzuvo.+ Tihosi ta Xeba ni ta Seba— Ti ta tisa nyiko.+ 11  Tihosi hinkwato ti ta tiwisela eka yona;+ Loko ku ri matiko hinkwawo, ma ta yi tirhela.+ 12  Hikuva yi ta kutsula xisiwana lexi kombelaka ku pfuniwa,+ Ni la xanisekaka ni hinkwavo lava nga riki na mupfuni.+ 13  Yi ta va ni nsovo eka loyi a pfumalaka ni loyi a nga xisiwana,+ Yi ta ponisa moya-xiviri wa swisiwana.+ 14  Yi ta kutsula moya-xiviri wa vona eku tshikileriweni ni le madzolongeni, Ni ngati ya vona yi ta va ya risima ematihlweni ya yona.+ 15  A yi hanye,+ naswona a yi nyikiwe nsuku wun’wana wa Xeba.+ Naswona a yi khongeleriwe nkarhi hinkwawo; A yi dzunisiwe siku hinkwaro.+ 16  Ku ta va ni mavele yo tala emisaveni;+ Ma ta khapakhapa etinhlohlorhini ta tintshava.+ Mbhandzu wa yona wu ta fana niloko wu ri eLebanoni,+ Naswona lava va nga emutini va ta rhumbuka ku fana ni ximila xa misava.+ 17  Vito ra yona a ri tshame hilaha ku nga riki na makumu;+ Vito ra yona a ri engeteleke emahlweni ka dyambu, Naswona a va tikatekise ha yona;+ Matiko hinkwawo a ma yi vule leyi tsakeke.+ 18  A a dzunisiwe Yehovha Xikwembu, Xikwembu xa Israyele,+ Ku nga yena ntsena la endlaka mintirho yo hlamarisa.+ 19  A ri dzunisiwe vito rakwe hilaha ku nga riki na makumu,+ Ku vangama ka yena a ku tate misava hinkwayo.+ Amen, Amen. 20  Swikhongelo swa Davhida, n’wana wa Yese,+ swi herile.

Tinhlamuselo ta le hansi