Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 71:1-24

71  Oho Yehovha, ndzi tumbele eka wena.+ Onge ndzi nga tshama ndzi nga khomiwi hi tingana.+   Onge u nga ndzi kutsula u ndzi ponisa+ hi ku lulama ka wena. Rhiya ndleve ya wena eka mina u ndzi ponisa.+   Vana xisirhelelo xa mina xa ribye laha ndzi nga ta nghena kona nkarhi hinkwawo.+ U fanele u lerisa leswaku ndzi ponisiwa,+ Hikuva u ribye ra mina ni khokholo+ ra mina.   Oho Xikwembu xanga, ndzi ponise evokweni ra lowo homboloka,+ Exandleni xa loyi a endlaka hilaha ku hombolokeke ni ku tshikilela.+   Hikuva u ntshembo wa mina,+ Wena Yehovha, Hosi leyi Lawulaka, ntshembo wa mina ku sukela evuntshweni bya mina.+   Ndzi tiseketele eka wena ku sukela ekhwirini;+ Hi wena La ndzi hambanisaka ni swirho swa le ndzeni swa manana.+ Ku dzunisa ka mina ku ta eka wena nkarhi hinkwawo.+   A ndzi fana ni singita eka vanhu vo tala;+ Kambe wena u vutumbelo+ bya mina lebyi tiyeke.   Nomu wa mina wa ku dzunisa+ nkarhi hinkwawo, Siku hinkwaro wu vulavula hi ku saseka ka wena.+   U nga ndzi cukumeti emalembeni ya vudyuhari;+ Loko matimba ya mina ma hela, u nga ndzi siyi.+ 10  Hikuva valala va mina va vule leswi malunghana na mina,+ Ni lava va lavaka moya-xiviri wa mina va tsundzuxane swin’we,+ 11  Va ku: “Xikwembu xi n’wi siyile.+ N’wi hlongoriseni mi n’wi khoma, hikuva a ku na mukutsuri.”+ 12  Oho Xikwembu, u nga vi ekule na mina.+ Oho Xikwembu xanga, hatlisa u ndzi pfuna.+ 13  Onge volavo va nga khomiwa hi tingana, onge va nga hela, lava lwaka ni moya-xiviri wa mina.+ Onge volavo va lavaka leswaku ndzi weriwa hi khombo va nga funengetiwa hi ndzhukano ni ku tsongahatiwa.+ 14  Kambe loko ku ri mina, ndzi ta rindza nkarhi hinkwawo,+ Ndzi ta engetela eku ku dzuniseni hinkwako. 15  Nomu wa mina wu ta rungula ku lulama+ ka wena, Ni ku ponisa+ ka wena siku hinkwaro, Hikuva a ndzi tivi leswaku i swingani.+ 16  Ndzi ta ta hi matimba lamakulu,+ Oho Yehovha, Hosi leyi Lawulaka;+ Ndzi ta vula ku lulama ka wena, ka wena ntsena.+ 17  Oho Xikwembu, u ndzi dyondzisile ku sukela evuntshweni bya mina ku ya emahlweni,+ Ku fikela sweswi ndzi hambeta ndzi vulavula hi mintirho ya wena yo hlamarisa.+ 18  Oho Xikwembu, u nga ndzi tshiki ku fikela emalembeni ya ku dyuhala ni ya ku va mpunga,+ Ku fikela loko ndzi vulavula hi voko ra wena exitukulwaneni lexi taka,+ Eka hinkwavo lava taka, hi matimba ya wena.+ 19  Oho Xikwembu, ku lulama ka wena ku tlakukile swinene;+ Loko ku langutiwa swilo leswikulu leswi u swi endleke,+ Oho Xikwembu, i mani la fanaka na wena?+ 20  Hikuva u endle leswaku ndzi vona maxangu yo tala ni makhombo,+ Onge u nga ndzi hanyanyisa nakambe;+ Onge u nga ndzi humesa nakambe exidziveni xa mati ya misava.+ 21  Onge u nga kurisa vukulu bya mina,+ Onge u nga ndzi rhendzela u ndzi chavelela.+ 22  Na mina ndzi ta ku dzunisa hi swichayachayana swa switende,+ Malunghana ni ntiyiso wa wena, Oho Xikwembu xanga.+ Ndzi ta ku yimbelelela miloti hi haripa, Wena Mukwetsimi wa Israyele.+ 23  Milomu ya mina yi ta huwelela hi ku tsaka loko ndzi lava ku ku yimbelelela miloti,+ Ni moya-xiviri wa mina lowu u wu kutsuleke.+ 24  Ni ririmi ra mina ri ta vula ku lulama ka wena hi rito ra le hansi siku hinkwaro,+ Hikuva va khomiwe hi tingana, hikuva va vekiwe ehansi lava lavaka leswaku ndzi weriwa hi khombo.+

Tinhlamuselo ta le hansi