Pisalema 69:1-36

Eka mufambisi wa Makhon’wa.+ Ya Davhida. 69  Oho Xikwembu, ndzi ponise, hikuva mati mafike eka moya-xiviriwa mina.+   Ndzi mbombomele endzhopeni wo enta, laha ku nga riki na ndhawu yo yima eka yona.+Ndzi fike ematini yo enta,Ni xinambyana lexi khulukaka xi ndzi khukhurile.+   Ndzi karhele hi ku huwelela ka mina;+Nkolo wa mina wu omile.Mahlo ya mina ma hele ntamu loko ndza ha rindze Xikwembu xanga.+   Lava va ndzi vengaka ku nga ri na xivangelo va tele ku tlula ni misisi ya nhloko ya mina.+Lava va ndzi miyetaka, va nga valala va mina ku nga ri na xivangelo, va tele.+Leswi ndzi nga swi tekangiki hi vukanganyisi, ndzi swi tlherisile.   Oho Xikwembu, wena wa byi tiva vuphukuphuku bya mina,Naswona nandzu wa mina a wu fihlekanga+ eka wena.   Onge lava va tshembaka wena va nga ka va nga khomiwi hi tingana hikwalaho ka mina,+Oho Hosi leyi Lawulaka, Yehovha wa mavuthu.+Onge lava va ku lavaka va nga ka va nga tsongahatiwi hikwalaho ka mina,+Oho Xikwembu xa Israyele.+   Hikuva ndzi byarhe ndzhukano hikwalaho ka wena,+Ku tsongahatiwa ku funengete xikandza xa mina.+   Ndzi hambanisiwe ni vamakwerhu,+Naswona ndzi munhu wumbe eka vana va manana.+   Hikuva ku hisekela yindlu ya wena swinene ku ndzi dyile,+Ni mindzhukano ya lava va ku rhukanaka yi wele ehenhla ka mina.+ 10  Ndzi rilile hi ku titsona swakudya ka moya-xiviri+ wa mina,Kambe ku ve ndzhukano eka mina.+ 11  Loko ndzi tiendlele nguvu yo khwaxa leswaku yi va swiambalo swa mina,Kutani ndzi ve xihlekulo+ eka vona. 12  Lava va tshamaka enyangweni va sungule ku karhateka ha mina,+Naswona a ndzi ri xihloko xa tinsimu ta lava va nwaka swakunwa leswi pyopyaka.+ 13  Kambe loko ku ri mina, xikhongelo xa mina a xi ta eka wena, Wena Yehovha,+Hi nkarhi lowu amukelekaka, Wena Xikwembu.+Hikwalaho ka ku tala ka musa wa wena wa rirhandzu, ndzi hlamule hi ntiyiso wa ku ponisa ka wena.+ 14  Ndzi kutsule endzhopeni, leswaku ndzi nga mbombomeli.+Onge ndzi nga kutsuriwa eka lava va ndzi vengaka+ ni le matini yo enta.+ 15  Xinambyana lexi khulukaka xi nga ndzi khukhuli,+Hambi byi ri vuenti byi nga ndzi miti,Hambi ri ri khele ra mati ri nga pfali nomu wa rona ehenhla ka mina.+ 16  Oho Yehovha, ndzi hlamule, hikuva musa wa wena wa rirhandzu i wunene.+Hundzulukela eka mina hikwalaho ka ku tala ka tintswalo ta wena,+ 17  U nga tumbeti xikandza xa wena eka nandza wa wena.+Hikuva ndzi le mahlomulweni lamakulu, ndzi hlamule hi ku hatlisa.+ 18  Tshinela ekusuhi ni moya-xiviri wa mina, wu kutsule;+Ndzi kutsule eka valala va mina.+ 19  Wena u tiva ndzhukano wa mina ni tingana ta mina ni ku tsongahatiwa ka mina.+Hinkwavo lava va ndzi vengaka va le mahlweni ka wena.+ 20  Ndzhukano wu tshove mbilu ya mina, naswona mbanga ya kona a yi tshunguleki.+A ndzi tshemba leswaku un’wana u ta ndzi tshandzisa, kambe a nga vanga kona;+Ni vachaveleri, kambe a ndzi kumanga munhu.+ 21  Kambe va ndzi nyike ximilana lexi nga ni chefu leswaku xi va swakudya swa mina,+Va ringete ku ndzi nwisa ntsuvi leswaku ndzi tima torha ha wona.+ 22  Tafula leri nga emahlweni ka vona a ri ve xirimbana,+Ni leswi va hanyaka hi swona a swi ve ntlhamu.+ 23  Mahlo ya vona a ma ve ni munyama leswaku va nga voni;+Naswona endla leswaku masenge ya vona ma rhurhumela nkarhi hinkwawo.+ 24  Chulula swigwevo swa wena ehenhla ka vona,+Naswona ku hlundzuka ka wena loku pfurhaka a ku ve ehenhla ka vona.+ 25  Nxaxa wa vona lowu nga ni marhangu a wu mbundzumuke;+Ku nga vi na la tshamaka+ emintsongeni ya vona. 26  Hikuva loyi u n’wi beke va n’wi hlongorile,+Ni switlhavi swa lava tlhaviweke hi wena va tshamela ku swi rungula. 27  Va vone nandzu ehenhla ka nandzu wa vona,+Naswona va nga ti eku lulameni ka wena.+ 28  A va suriwe ebukwini ya vanhu lava hanyaka,+Naswona va nga tsariwi ni lavo lulama.+ 29  Kambe ndza xanisiwa naswona ndza vavisiwa.+Oho Xikwembu, onge ku ponisa ka wena ku nga ndzi sirhelela.+ 30  Ndzi ta dzunisa vito ra Xikwembu hi risimu,+Naswona ndzi ta xi tlakusa hi ku nkhensa.+ 31  Leswi na swona swi ta n’wi tsakisa swinene Yehovha ku tlula nkunzi,+Ku tlula xinkunzana lexi nga ni timhondzo, lexi avanisaka sondzo.+ 32  Kunene lavo rhula va ta swi vona; va ta tsaka.+N’wina lava lavaka Xikwembu, mbilu ya n’wina na yona a yi hanye.+ 33  Hikuva Yehovha u yingisa swisiwana,+Hakunene a nge va languteli ehansi vakhotsiwa+ vakwe. 34  Tilo ni misava a swi n’wi dzunise,+Malwandle ni hinkwaswo leswi famba-fambaka eka wona.+ 35  Hikuva Xikwembu xi ta ponisa Siyoni+Xi ta aka miti ya Yuda;+Kunene va ta tshama kwalaho va yi teka.+ 36  Vana va malandza yakwe va ta dya ndzhaka ya yona,+Naswona lava va rhandzaka vito ra xona va ta tshama eka yona.+

Tinhlamuselo ta le hansi