Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 68:1-35

Eka mufambisi. Ya Davhida. Miloti, risimu. 68  Xikwembu a xi humelele,+ valala va xona ava hangalake,+ Naswona lava va xi vengaka swinene a va baleke hikwalaho ka xona.+   Va nyamalala ku fana ni musi, onge u nga va hlongola;+ Ku fana niloko mhula yi n’oka hikwalaho ka ndzilo,+ Lavo homboloka a va love emahlweni ka Xikwembu.+   Kambe loko ku ri lavo lulama, a va tsake,+ A va tsake swinene emahlweni ka Xikwembu,+ A va khane hi ku tsaka.+   Yimbelelelani Xikwembu, yimbelelelani vito ra xona miloti;+ N’wi yimbeleleleni risimu La fambaka etimbaleni ta le kwandzasini+ Hileswi vito ra yena a nga Yah;+ naswona yimbelelani hi ku tsaka emahlweni ka yena;   Tata wa vana lava nga riki na tatana ni muavanyisi wa tinoni+ Xikwembu xi tano endhawini yo kwetsima leyi xi tshamaka eka yona.+   Xikwembu xi endla leswaku lava tshamaka va ri voxe va tshama endlwini;+ Xi endla leswaku vakhotsiwa va tshamiseka kahle.+ Hambiswiritano, loko ku ri lavo sihalala, va boheka ku tshama etikweni leri vavuriweke.+   Oho Xikwembu, loko u ye emahlweni ka vanhu va wena,+ Loko u famba-fambe ekwandzasini+Se′lah   Misava yi ninginikile,+ Tilo na rona ri thonile hikwalaho ka Xikwembu;+ Sinayi leyi yi ninginikile hikwalaho ka Xikwembu,+ Xikwembu xa Israyele.+   U nise mpfula ya maboboma, Wena Xikwembu;+ Ndzhaka ya wena, hambiloko yi tsanile—wena u yi pfuxetile.+ 10  Ntsonga wa wena wo tshama eka wona+—va tshame eka wona;+ Hi vunene bya wena u endle leswaku wu lunghekela la xanisekaka, Wena Xikwembu.+ 11  Yehovha u vula marito lawa;+ Vavasati lava vulaka mahungu lamanene i vuthu lerikulu.+ 12  Hambi ku ri tihosi ta mavuthu ta baleka, ta baleka.+ Loko ku ri wansati la tshamaka ekaya, u kuma xiavelo xa leswi phangiweke.+ 13  Hambiloko mi tshamele ku etlela exikarhi ka tinhulu ta nkuma ta nxaxa, Ku ta va ni timpapa ta tuva leti funengetiweke hi silivhere Ni timpapa ta rona hi nsuku wa rihlaza ra xitshopana.+ 14  Loko Lowa Matimba hinkwawo a ti hangalasa hinkwako-nkwako tihosi leti nga eka rona,+ Gamboko yi sungula ku wa eZalmona.+ 15  Ndhawu ya tintshava ya Baxani,+ i ntshava ya Xikwembu;+ Ndhawu ya tintshava ya Baxani, i ntshava leyi nga ni tinhlohlorhi.+ 16  Ha yini n’wina tintshava ta tinhlohlorhi, mi hambeta mi languta hi ku vondzoka Ntshava leyi Xikwembu xi naveleke ku tshama eka yona?+ Yehovha u ta tshama kwalaho hi masiku.+ 17  Makalichi ya nyimpi ya Xikwembu i makume ya magidi, magidi ya magidi-gidi.+ Yehovha u ta a huma eSinayi, a nghena endhawini yo kwetsima.+ 18  U tlhandlukele ehenhla;+ U teke makhumbi;+ U teke vanhu va va tinyiko,+ Ina, hambi ku ri lavo sihalala,+ leswaku va tshama exikarhi ka vona,+ Wena Yah Xikwembu. 19  A a dzunisiwe Yehovha, loyi a hi rhwalelaka mpingu wa hina siku ni siku,+ Xikwembu xa ntiyiso xa ku ponisiwa+ ka hina. Se′lah. 20  Xikwembu xa ntiyiso i Xikwembu xa swiendlo swa ku hi ponisa;+ Naswona tindlela to huma eku feni+ i ta Yehovha, Hosi leyi Lawulaka.+ 21  Hakunene Xikwembu xi ta tshova nhloko ya valala va xona yi va swiphemu-phemu,+ Thavathava leyi nga ni misisi ya nhloko ya un’wana ni un’wana la famba-fambaka a ri ni nandzu.+ 22  Yehovha u te: “Ndzi ta va tlherisa ku suka eBaxani,+ Ndzi ta va tlherisa va huma evuentweni bya lwandle,+ 23  Leswaku u hlamba nenge wa wena engatini,+ Leswaku ririmi ra timbyana ta wena ri kuma xiphemu xa rona eka valala.”+ 24  Va vone ku longoloka ka vanhu va wena, Wena Xikwembu,+ Ku longoloka ka vanhu va Xikwembu xanga, Hosi yanga, va nghena endhawini yo kwetsima.+ 25  Vayimbeleri a va fambela emahlweni, vatlangi va swichayachayana swa switende va ri endzhaku ka vona;+ Exikarhi a ku ri ni vanhwanyana va ri karhi va ba swingomana.+ 26  Emintshungwini leyi hlengeletaneke dzunisani Xikwembu,+ Yehovha, N’wina lava humaka eXihlobyeni xa Israyele.+ 27  Ku na Benjamini lontsongo loyi a va hlulaka,+ Tihosana ta Yuda ni ntshungu wa tona lowu huwelelaka, Tihosana ta Zebuloni, tihosana ta Neftali.+ 28  Xikwembu xa n’wina xi veke xileriso entan’wini wa n’wina.+ Oho Xikwembu, kombisa ntamu, wena la tekeke goza hikwalaho ka hina.+ 29  Hikwalaho ka tempele ya wena eYerusalema,+ Tihosi ti ta ku tisela tinyiko.+ 30  Tshinya xivandzana xo leva xa le mahlangeni,+ ntlhambi wa tinkunzi,+ Hi marhole ya vanhu, un’wana ni un’wana a kandziyela swiphemu swa silivhere ehansi.+ Xi hangalase vanhu lava tsakelaka tinyimpi.+ 31  Swibya swa bronzi swi ta huma aEgipta;+ Kuxi ri ta tshambuluta voko ra rona hi xihatla ri ri ni tinyiko ta Xikwembu.+ 32  N’wina mimfumo ya misava, yimbelelelani Xikwembu,+ Yimbelelelani Yehovha miloti—Se′lah 33  Eka Loyi a khandziyeke tilo ra khale ka matilo.+ Vonani! U huwelela hi rito rakwe, rito ra matimba.+ 34  Vulani leswaku Xikwembu xi ni ntamu.+ Vukulu bya xona byi le henhla ka Israyele ni ntamu wa xona wu le mapapeni.+ 35  Xikwembu xa chaviseka evukwetsimelweni bya xona lebyikulu.+ I Xikwembu xa Israyele, lexi nyikaka vanhu ntamu ni matimba.+ A xi dzunisiwe Xikwembu.+

Tinhlamuselo ta le hansi