Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 66:1-20

Eka mufambisi. Risimu, miloti. 66  Huwelelani eka Xikwembu hi ku hlula, n’wina hinkwenu va misava.+   Ku yimbeleleleni miloti ku vangama ka vito ra xona.+Vangamisani ku dzuneka ka xona.+   Vulani eka Xikwembu mi ku: “Mintirho ya wena ya hlamarisa hakunene!+Hikwalaho ka ntamu wa wena wo tala, valala va wena va ta ta eka wena hi ku titsongahata lokukulu.+   Hinkwavo vanhu va misava va ta nkhinsama eka wena,+Va ta ku yimbelelela miloti, va ta ri yimbelelela miloti vito ra wena.”+ Seʹlah.   Tanani mi ta vona mintirho ya Xikwembu.+Ndlela leyi xi tirhisanaka ha yona ni vana va vanhu ya chaviseka.+   Xi hundzule lwandle ri va misava leyi omeke;+Va tsemakanye nambu hi milenge.+Kwalaho hi sungule ku xi tsakela.+   Xi fuma hi matimba ya xona hilaha ku nga riki na makumu.+Mahlo ya xona ma tshama ma rindze matiko.+Loko ku ri lavo sihalala, va nga tshuki va titlakusa.+ Seʹlah.   Dzunisani Xikwembu xa hina,+Endlani leswaku rito ra ku xi dzunisa ri twiwa.+   Xi veka moya-xiviri wa hina evuton’wini,+Naswona a xi pfumelanga leswaku nenge wa hina wu tsekatseka.+ 10  Hikuva u hi kamberile, Wena Xikwembu;+U hi tengisile ku fana niloko u tengisa silivhere.+ 11  U hi tise erikokeni ro hlota;+U tshikilele masenge ya hina. 12  U endle leswaku munhu wa nyama a kandziyela nhloko ya hina;+Hi hundze hi le ndzilweni ni le matini,+Kutani u hi tise eku wiseni.+ 13  Ndzi ta ta endlwini ya wena hi magandzelo yo hisiwa lama heleleke;+Ndzi ta hetisisa switshembiso swa mina leswi hlambanyiweke+ eka wena 14  Leswi milomu ya mina yi pfulekeleke ku swi vula+Ni leswi nomu wa mina wu swi vuleke loko ndza ha ri enhlomulweni lowukulu.+ 15  Magandzelo yo hisiwa lama heleleke ya swifuwo leswi nonisiweke ndzi ta ku humesela wona,+Hi musi lowu mbulukaka wa xitlhavelo xa makhuna.Ndzi ta humesa nkunzi ni swiphongo.+ Seʹlah. 16  Tanani, yingisani, n’wina hinkwenu lava chavaka Xikwembu, ndzi ta rungula+Leswi xi swi endleleke moya-xiviri wa mina.+ 17  Ndzi vitane eka xona hi nomu wa mina,+Naswona a ndzi dzunisa hi ririmi+ ra mina. 18  Loko ndzi anakanye mhaka yo biha embilwini ya mina,Yehovha a nge ndzi twi.+ 19  Entiyisweni Xikwembu xi swi twile;+Xi nyikele nyingiso eritweni ra xikhongelo xa mina.+ 20  Xikwembu a xi dzunisiwe, lexi nga bakanyangiki xikhongelo xa mina,Hambi ku ri musa wa xona wa rirhandzu eka mina.+

Tinhlamuselo ta le hansi