Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 65:1-13

Eka mufambisi. Miloti ya Davhida. Risimu. 65  Oho Xikwembu, eSiyoni ku ni ku dzunisiwaka wena—ku miyela—;+ Naswona xitshembiso lexi hlambanyiweke xi ta hetisisiwa eka wena.+   Oho Mutwi wa xikhongelo, vanhu hinkwavo va ta ta eka wena.+   Swilo leswi nga ni xidyoho swi tikombe swi ri ni matimba ku ndzi tlula.+ Loko ku ri ku tlula ka hina nawu, wena u ta ku funengeta.+   Wa tsaka loyi u n’wi hlawulaka, loyi u endlaka leswaku a tshinela,+ Leswaku a ta tshama eswivaveni swa wena.+ Kunene hi ta enerisiwa hi vunene bya yindlu ya wena,+ Ndhawu yo kwetsima ya tempele ya wena.+   Eku lulameni u ta hi hlamula hi swilo leswi chavisaka,+ Oho Xikwembu xa ku ponisiwa+ ka hina, Ntshembo wa mindzilakana hinkwayo ya misava ni lava va nga le kule elwandle.+   Xi simeka tintshava ti tiya hi matimba ya xona;+ Hakunene xi tikhame hi matimba.+   Xi miyeta ku pfuma ka malwandle,+ Ku pfuma ka magandlati ya wona ni ku pfilunganyeka ka mintlawa ya matiko.+   Vaaki va swiphemu swa le makumu va ta chava swikombiso swa wena;+ Ku huma ka mixo ni ka madyambu u endla leswaku ku huwelela hi ku tsaka.+   U hundzuluxele nyingiso wa wena emisaveni, leswaku u ta yi nyika hi vutalo;+ U yi fuwisa swinene. Xinambyana lexi humaka eka Xikwembu xi ni mati yo tala.+ U lunghiselela tindzoho ta vona,+ Hikuva hi yona ndlela leyi u lunghiselelaka misava ha yona.+ 10  Migerho ya yona ya tsakamisiwa, mabuwu+ ya yona ma fayeteriwa; Wa yi olovisa hi timpfula letikulu; u katekisa leswi milaka+ eka yona. 11  U tlhandleke harhi ya vunene bya wena elembeni,+ Mitila ya wena yi thona mafurha.+ 12  Madyelo ya mananga ma tshama ma ri karhi ma thona,+ Ni switsunga swi tikhama hi ku tsaka lokukulu.+ 13  Madyelo ma funengetiwe hi mintlhambi,+ Ni timbala ta le hansi ti funengetiwe hi tindzoho.+ Ti huwelela hi ku hlula, ina, ta yimbelela.+

Tinhlamuselo ta le hansi