Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 62:1-12

Eka mufambisi wa Yedutani. Miloti ya Davhida. 62  Hakunene moya-xiviriwa mina wu rindzele Xikwembu wu miyerile.+ Ku ponisiwa ka mina ku huma eka xona.+   Hakunene i ribye ra mina ni ku ponisiwa ka mina, i xisirhelelo xa mina lexi tlakukeke;+ A ndzi nge tsekatsekisiwi ngopfu.+   Xana mi ta n’wi mpfhumpfhela ku fikela rini munhu loyi mi nga ta n’wi dlaya hi vomu?+ Hinkwenu mi fana ni khumbi leri voyameke, rirhangu ra maribye leri susumetiwaka ri voyamela endzeni.+   Hakunene va endla kungu leswaku va tekela munhu xindzhuti xakwe;+ Va tsakisiwa hi mavunwa.+ Va katekisa hi milomu ya vona, kambe endzeni ka vona va rhukana.+ Se′lah.   Hakunene rindzela Xikwembu u miyerile, Wena moya-xiviri+ wa mina, Hikuva ntshembo+ wa mina wu huma eka xona.   Hakunene i ribye ra mina ni ku ponisiwa ka mina, i xisirhelelo xa mina lexi tlakukeke;+ A ndzi nge tsekatsekisiwi.+   Ku ponisiwa ka mina ni ku vangama ka mina ku le henhla ka Xikwembu.+ Ribye ra mina ro tiya, vutumbelo bya mina byi le ka Xikwembu.+   N’wina xi tshembeni minkarhi hinkwayo.+ Chululani timbilu ta n’wina emahlweni ka xona.+ Xikwembu i vutumbelo bya hina.+ Se′lah.   Hakunene vana va munhu wa la misaveni i moya+ ntsena, Vana va vanhu i mavunwa.+ Loko va vekiwa ehenhla ka xikalo hinkwavo ka vona va vevuka ku tlula moya.+ 10  Mi nga veki ntshembo wa n’wina eku dyeleleni,+ Kumbe mi va va hava hi ku kanganyisa lokukulu.+ Loko swo tihlayisa ha swona swi andza, mi nga veki mbilu ya n’wina eka swona.+ 11  Loko Xikwembu se xi vulavurile, leswi ndzi swi twe kambirhi,+ Ntamu i wa Xikwembu.+ 12  Ni musa wa rirhandzu i wa wena, Wena Yehovha,+ Hikuva wena u tlherisela un’wana ni un’wana hi ku ya hi ntirho wakwe.+

Tinhlamuselo ta le hansi