Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 6:1-10

Eka mufambisi wa swichayachayana swa switende hi noto ya le hansi.+ Miloti ya Davhida. 6  Wena Yehovha, u nga ndzi tshinyi hi ku hlu ndzuka ka wena,+ U nga ndzi lulamisi hi vukarhi bya wena.+   Ndzi tsakele, Wena Yehovha, hikuva ndza vuna.+ Ndzi horise,+ Wena Yehovha, hikuva marhambu ya mina ma karhatekile.   Ina, moyaxiviri wa mina wu karhatekile swinene;+ Wena Yehovha—ku fikela rini?+   Vuya,+ Wena Yehovha, ponisa moyaxiviri+ wa mina; Ndzi ponise hikwalaho ka musa wa wena wa rirhandzu.+   Hikuva a ku vulavuriwi ha wena eku feni;+ I mani la nga ku dzunisaka eSheol?+   Nhlomulo+ wa mina wu ndzi hete matimba; Vusiku hinkwabyo ndzi tsakamisa+ sangu ra mina; Ndzi khapakhapisa+ mubedo wa mina hi mihloti ya mina.   Tihlo ra mina ri tsanile+ hikwalaho ko dyiwa hi mbitsi, Ri dyuhele hikwalaho ka hinkwavo lava ndzi vengaka.+   Sukani eka mina, n’wina hinkwenu lava hanyaka hi swo biha,+ Hikuva Yehovha kunene u ta wu twa mpfumawulo wa ku rila+ ka mina.   Kunene Yehovha u ta swi twa loko ndzi kombela tintswalo;+ Yehovha u ta amukela xikhongelo+ xa mina. 10  Valala va mina hinkwavo va ta khomiwa hi tingana+ swinene, va karhateka; Va ta tlhela, va ta khomiwa hi tingana hi ku hatlisa.+

Tinhlamuselo ta le hansi