Pisalema 59:1-17
Eka mufambisi. “U nga lovisi.” Ya Davhida. Miktami. Loko Sawulo a va rhumela leswaku va n’wi dlaya, kutani va tshama va langutele yindlu.+
59 Oho Xikwembu, ndzi kutsule eka valala va mina;+Onge u nga ndzi sirhelela eka lava va ndzi pfukelaka.+
2 Ndzi kutsule eka lava va hanyaka hi swo biha,+Ndzi ponise eka vanhu lava nga ni nandzu wa ngati.
3 Hikuva waswivo, va tumbelele moya-xiviri wa mina;+Lava tiyeke va ndzi hlasela,+Kasi a ndzi pfukeli munhu, a ndzi na xidyoho, Oho Yehovha.+
4 Hambileswi ndzi nga riki na xidyoho, va tsutsuma va lungheka.+Pfuka u languta loko ndzi vitaniwa.+
5 Oho Yehovha Xikwembu xa mavuthu, wena u Xikwembu xa Israyele.+Pfuka u yisa nyingiso wa wena ematikweni hinkwawo.+Un’wana ni un’wana la nga madlayisana u nga n’wi kombi musa.+ Seʹlah.
6 Va tshamela ku vuyela nimadyambu;+Va tshamela ku vukula ku fana ni mbyana+ naswona va rhendzeleka ni muti+ hinkwawo.
7 Waswivo! Va phyaphyarha hi nomu+ wa vona;Mabanga ma le milon’wini ya vona,+Hikuva i mani la yingisaka?+
8 Oho Yehovha, wena u ta va hleka;+U ta hlekula matiko hinkwawo.+
9 Oho Ntamu wa mina, ndzi ta tshama ndzi ku langutile;+Hikuva Xikwembu i xisirhelelo xa mina lexi tlakukeke.+
10 Xikwembu lexi nga ni musa wa rirhandzu xi ta ndzi hlanganisa;+Xikwembu xi ta endla leswaku ndzi languta swirha swa mina.+
11 U nga va dlayi, leswaku vanhu va mina va nga rivali.+Va tsendzelekise hi ntamu wa wena lowukulu,+Naswona u va tsongahata, Wena Yehovha xitlhangu xa hina,+
12 Hikwalaho ka xidyoho xa nomu wa vona, rito ra milomu ya vona;+Naswona onge va nga khomiwa eku tinyungubyiseni ka vona,+Eku rhukaneni ni le vuxisini lebyi va byi lunghiselelaka.
13 Va herise hi vukarhi;+Va herise, leswaku va nga ha vi kona;Onge va nga swi tiva leswaku Xikwembu xa fuma eka Yakobe ku yisa emakumu ka misava.+ Seʹlah.
14 A va vuyele nimadyambu;A va vukule ku fana ni mbyana naswona va rhendzeleka ni muti+ hinkwawo.
15 Volavo a va tsendzeleke va lava swakudya;+Va nga eneriseki kumbe va xwa vusiku.+
16 Kambe loko ku ri mina, ndzi ta yimbelela malunghana ni ntamu wa wena,+Naswona nimixo ndzi ta vulavula ndzi tsakile hi musa wa wena wa rirhandzu.+Hikuva u xisirhelelo lexi tlakukeke xa mina+Ni ndhawu yo balekela eka yona hi siku ra maxangu.+
17 Oho Ntamu wa mina, ndzi ta ku yimbelelela miloti,+Hikuva Xikwembu i xisirhelelo xa mina lexi tlakukeke, Xikwembu xa musa wa rirhandzu eka mina.+
