Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 58:1-11

Eka mufambisi. “U nga lovisi.” Ya Davhida. Miktami. 58  Xana eku miyeleni kan’wina mi nga vulavula hi ku lulama hakunene?+ Xana mi nga avanyisa hi vululami, N’wina vana va vanhu?+   Ematshan’weni ya sweswo, embilwini ya n’wina mi hanya hi leswi nga lulamangiki hi mpimo lowukulu emisaveni,+ Naswona mi pfula gondzo ra madzolonga ya mavoko ya n’wina!+   Lavo homboloka va onhake va ha ri embelekweni;+ Va tsendzelekile ku sukela ekhwirini ku ya emahlweni; Va vulavula mavunwa.+   Vuxungu bya vona byi fana ni vuxungu bya nyoka,+ A va twi ku fana ni xivatlankombe lexi siveke tindleve,+   Lexi nga ta ka xi nga ri yingisi rito ra vangoma,+ Hambileswi lowo tlhariha a xi baka hi vuloyi.+   Oho Xikwembu, gula meno ya vona emilon’wini ya vona.+ Tshova tinhlaya ta swinghalana leswi nga ni ntshiva, Wena Yehovha.   Onge va nga hela ku fana ni mati lama fambaka endleleni ya wona;+ Onge a nga kunga vurha bya miseve ya vona loko va hela matimba.+   U famba ku fana ni humba leyi n’okaka; Kunene a va nge ri voni dyambu ku fana ni wansati la onhakeriweke hi khwiri.+   Loko timbita ta n’wina ti nga si twa murhi wa ndzhenga,+ Leswi tshamaka swi ri rihlaza ni leswi pfurhaka, u ta swi teka ku fana niloko swi tekiwa hi mheho.+ 10  Lowo lulama u ta tsaka hikuva u vone ku rihisela.+ Milenge yakwe u ta yi hlamba engatini ya lowo homboloka.+ 11  Kutani vanhu va ta ku:+ “Kunene ku ni mbhandzu wa lowo lulama.+ Kunene ku ni Xikwembu lexi avanyisaka misava.”+

Tinhlamuselo ta le hansi