Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 57:1-11

Eka mufambisi. “U nga lovisi.” Ya Davhida. Miktami. Loko a baleka Sawulo, a nghena ebakweni.+ 57  Oho Xikwembu, ndzi kombe tintswalo, ndzikombe tintswalo,+ Hikuva moya-xiviri wa mina wu tumbele+ eka wena; Naswona endzhutini wa timpapa ta wena, ndzi tumbele kona ku fikela loko maxangu ma hundza.+   Ndzi vitana Xikwembu Lexi nge Henhla-henhla, eka Xikwembu xa ntiyiso lexi xi va herisaka hikwalaho ka mina.+   Xi ta rhumela ku suka etilweni, xi ndzi ponisa.+ Kunene xi ta pfilunganya la ndzi kavatlulaka.+ Se′lah. Xikwembu xi ta rhumela musa wa xona wa rirhandzu ni ntiyiso wa xona.+   Moya-xiviri wa mina wu le xikarhi ka tinghala;+ Ndzi etlela exikarhi ka vanhu lava lovisaka, vana va vanhu, Lava meno ya vona ma nga mafumu ni miseve,+ Lava ririmi ra vona ku nga banga ro kariha.+   Vana ehenhla ka matilo, Wena Xikwembu;+ Ku vangama ka wena a ku ve ehenhla ka misava hinkwayo.+   Va lunghiselele rikoka emilengeni ya mina;+ Moya-xiviri wa mina wu nkhinsamile.+ Va ndzi celele khele emahlweni ka mina; Va wele endzeni ka rona.+ Se′lah.   Oho Xikwembu, mbilu ya mina yi yime yi tiya,+ Mbilu ya mina yi yime yi tiya. Ndzi ta yimbelela ndzi ba miloti.+   Xalamuka, Wena ku vangama ka mina;+ Xalamuka, Wena xichayachayana xa switende; na Wena haripa.+ Ndzi ta pfuxa vurhonga.   Ndzi ta ku dzunisa exikarhi ka vanhu, Wena Yehovha;+ Ndzi ta ku yimbelelela miloti exikarhi ka vanhu va matiko.+ 10  Hikuva musa wa wena wa rirhandzu i wukulu ku ya fika ematilweni,+ Ni ntiyiso wa wena ku ya fika exibakabakeni.+ 11  Vana ehenhla ka matilo, Wena Xikwembu;+ Ku vangama ka wena a ku ve ehenhla ka misava hinkwayo.

Tinhlamuselo ta le hansi