Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 56:1-13

Eka mufambisi wa Tuva ro Miyela exikarhi ka lava nga ekule swinene. Ya Davhida. Miktami. Loko Vafilisita va n’wi khoma eGati.+ 56  Oho Xikwembu, ndzi kombe tintswalo, hikuva munhu wa nyamau ndzi kavatlurile.+ U lwa siku hinkwaro, u tshamela ku ndzi tshikilela.+   Swirha swa mina swi tshamela ku ndzi kavatlula siku hinkwaro,+ Hikuva va tele lava lwaka na mina hi ku tikurisa.+   Loko ku ri mina, siku ndzi nga ta khomiwa hi ku chava, ndzi ta tshemba wena.+   Evun’weni ni Xikwembu ndzi ta dzunisa rito ra xona.+ Ndzi veke ntshembo wa mina eka Xikwembu; a ndzi nge chavi.+ Xana nyama yi nga ndzi endla yini?+   Siku hinkwaro va tshamela ku onha timhaka ta mina; Miehleketo ya vona hinkwayo yi lwa na mina hi leswo biha.+   Va hlasela, va titumbeta,+ Loko ku ri vona, va tshama va xiye magoza ya mina,+ Va rindze moya-xiviri+ wa mina.   Va cukumete hikwalaho ka vubihi bya vona.+ Wisa vanhu hi ku hlundzuka, Wena Xikwembu.+   Wena u vike ku va ka mina mubaleki.+ Chela mihloti ya mina eguleni ra wena ra dzovo.+ Xana a yi kona ebukwini+ ya wena?   Hi nkarhi wolowo valala va mina va ta tlhela, hi siku leri ndzi nga ta vitana ha rona;+ Leswi ndzi swi tiva kahle, leswaku Xikwembu xi na mina.+ 10  Evun’weni ni Xikwembu+ ndzi ta dzunisa rito ra xona; Evun’weni na Yehovha ndzi ta dzunisa rito+ ra yena. 11  Ndzi veke ntshembo wa mina eka Xikwembu. A ndzi nge chavi nchumu.+ Xana munhu wa la misaveni a nga ndzi endla yini?+ 12  Oho Xikwembu, ehenhla ka mina ku ni switshembiso swa wena leswi hlambanyiweke.+ Ndzi ta nyikela marito yo tlangela eka wena.+ 13  Hikuva u kutsule moya-xiviri wa mina eku feni+ Xana a wu yi pfunanga milenge ya mina leswaku yi nga khunguvanyeki?+ Leswaku ndzi ta famba-famba emahlweni ka Xikwembu ndzi voniwa hi lava hanyaka.+

Tinhlamuselo ta le hansi