Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 55:1-23

Eka mufambisi wa swichayachayana swa switende. Maskili. Ya Davhida. 55  Oho Xikwembu xanga,yingisa xikhongeloxa mina;+Naswona u nga tifihli loko ndzi kombela tintswalo.+   Ndzi yingise, u ndzi hlamula.+Ndzi pfumala ku rhula hikwalaho ka ku karhateka ka mina,+Ndzi kombisa ku karhateka ntsena,   Hi mhaka ya rito ra nala, hikwalaho ka ku tshikileriwa hi lowo homboloka.+Hikuva va tshamela ku wisela swo biha ehenhla ka mina,+Naswona va ndzi hlundzukela hi vulala.+   Mbilu ya mina yi ni switlhavi leswikulu endzeni ka mina,+Naswona ku chava rifu ku wele ehenhla ka mina.+   Ku chava, ina, ku rhurhumela ku nghena endzeni ka mina,+Naswona ku rhurhumela ka ndzi funengeta.   Ndzi tshamela ku vula ndzi ku: “Mawaku loko a ndzi ri ni timpapa to kota ta tuva!+A ndzi ta hahela ekule ndzi ya tshama+ kona.   Waswivo! A ndzi ta hahela ekule swinene;+A ndzi ta tshama emananga.+Seʹlah   A ndzi ta hatlisela endhawini ya mina yo balekela eka yonaNdzi balekela mheho leyi hungaka hi rivilo, ndzi balekela xidzedze.”+   Oho Yehovha, va pfilunganye, hambanisa ririmi+ ra vona,Hikuva ndzi vone madzolonga ni timholovo emutini.+ 10  Vusiku ni nhlikanhi va wu rhendzele va ri ehenhla ka rirhangu ra wona;+Ku biha ni ku karhateka swi le ndzeni ka wona.+ 11  Maxangu ma le ndzeni ka wona;Ntshikilelo ni vuxisi a swi sukanga entsendzeleni wa wona.+ 12  Hikuva a hi nala la ndzi rhukaneke;+Loko a swi ri tano a ndzi ta lehisa mbilu.A hi munhu la ndzi vengaka swinene la tikukumuxeke eka mina;+Loko a swi ri tano a ndzi ta va ndzi n’wi tumbelerile.+ 13  Kambe a ku ri wena, wena munhu wa nyama loyi a ringanaka na mina,+Wena ndzi ku toloveleke naswona u nga munghana wa mina,+ 14  Hikuva a hi hamba hi kuma xinakulobye lexi nandzihaka swin’we;+A hi hamba hi famba ni ntshungu+ endlwini ya Xikwembu. 15  Ku onhetela a ku ve ehenhla ka vona!+A va rhelele eSheol va ha hanya;+Hikuva hi nkarhi wa vuluveri bya vona swilo swo biha a swi ri endzeni ka vona.+ 16  Loko ku ri mina, ndzi ta huwelela eka Xikwembu;+Naswona Yehovha u ta ndzi ponisa.+ 17  Nimadyambu ni nimixo ni ninhlikanhi ndza karhateka naswona ndza rila,+U yingisa rito ra mina.+ 18  Kunene u ta wu kutsula moyaxiviri wa mina, a wu veka eku rhuleni malunghana ni lava lwaka na mina,+Hikuva va te hi vunyingi ku ta lwa na mina.+ 19  Xikwembu xi ta swi twa xi va hlamula,+Hambi ku ri Yena la tshameke exiluvelweni ku fana ni le ku sunguleni+SeʹlahLava va nga hundzukiki+Lava va nga xi chavangiki Xikwembu.+ 20  U tshambulute mavoko ya yena ku lwa ni lava va nga ni ku rhula na yena;+U nyamise ntwanano wa yena.+ 21  Marito ya nomu wakwe ma rhetela ku tlula phehlwa,+Kambe mbilu yakwe yi voyamele eku lweni.+Marito yakwe ma olova ku tlula mafurha,+Kambe i mabanga lama lunghekeke.+ 22  Lahlela ndzhwalo wa wena eka Yehovha,+U ta ku seketela.+A nge pfuki a pfumerile leswaku la lulameke a tsekatseka.+ 23  Oho Xikwembu, kambe wena u ta va yisa emugodini wo enta swinene.+Loko ku ri vanhu lava nga ni nandzu wa ngati ni lava xisaka, a va nge xi hanyi xiphemu xa masiku ya vona.+Kambe loko ku ri mina, ndzi ta tshemba wena.+

Tinhlamuselo ta le hansi