Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 53:1-6

Eka mufambisi wa Mahalati.+ Maskili. Ya Davhida. 53  Xihunguki xi vule embilwini ya xona xi ku: “Yehovha a nga kona.”+ Va endle hi ndlela leyionhakeke ni leyi nyenyetsaka, hi ndlela leyi nga lulamangiki;+ A nga kona la endlaka leswinene.+   Loko ku ri Xikwembu, xi langute vana va vanhu xi ri etilweni,+ Ku vona loko a ri kona la nga ni ku twisisa, la lavaka Yehovha.+   Hinkwavo ka vona va tlhelele endzhaku, hinkwavo va onhakile hilaha ku fanaka;+ A nga kona la endlaka leswinene,+ Ni un’we.   Xana a nga kona ni un’we wa lava va hanyaka hi swo biha la nga ni vutivi,+ Lava dyaka vanhu va mina ku fana niloko va dya xinkwa?+ A va n’wi vitananga hambi a ri Yehovha.+   Kwalaho a va chava ngopfu,+ Endhawini leyi nga chavisiki;+ Kunene Xikwembu xi ta hangalasa marhambu ya lava va akaka mixaxa ku lwa na wena.+ Kunene mi ta va khomisa tingana, hikuva Yehovha u va bakanyile.+   Mawaku loko ku ponisiwa lokukulu ka Israyele a ko va eSiyoni!+ Loko Yehovha a tlherisela vanhu vakwe lava a va ri makhumbi,+ Yakobe a a tsake, Israyele a a tsake.+

Tinhlamuselo ta le hansi