Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 52:1-9

Eka mufambisi. Maskili. Ya Davhida, loko Dowege wa Muedomu a fika kutani a byela Sawulo leswaku Davhida u tile endlwini ya Ahimeleke.+ 52  Ha yini u tibuma hi swobiha, Wena wa matimba?+ Musa wa rirhandzu wa Xikwembu wu kona siku hinkwaro.+   Maxangu lawa ririmi ra wena ri ma bohaka, ma kariha kukota rikari,+ Ma tirha vuxisi.+   U rhandze swo biha ku tlula leswinene,+ Mavunwa ku tlula ku vulavula swo lulama.+ Seʹlah.   U rhandze marito hinkwawo lama lovisaka,+ Wena ririmi leri xisaka.+   Xikwembu xi ta ku hirimuxa hi masiku;+ Xi ta ku ba u wela ehansi xi ku humesa entsongeni wa wena,+ Kunene xi ta ku simula etikweni ra lava hanyaka.+ Seʹlah.   Lavo lulama va ta swi vona kutani va chava,+ Naswona va ta n’wi hleka.+   Hi loyi munhu la tiyeke emirini la nga xi vekiki Xikwembu leswaku xi va xisirhelelo xakwe,+ Kambe a tshembaka rifuwo+ rakwe ro tala, La tisirhelelaka emaxangwini lawa a tivangeleke wona.+   Kambe mina ndzi ta fana ni murhi wa mutlhwari+ lowu vekaka mihandzu, lowu nga endlwini ya Xikwembu; Ndzi tshemba musa wa Xikwembu wa rirhandzu hilaha ku nga riki na makumu, hi masiku.+   Ndzi ta ku dzunisa hilaha ku nga riki na makumu, hikuva u teke goza;+ Naswona ndzi ta tshemba vito ra wena, hikuva i rinene emahlweni ka lava tshembekeke va wena.+

Tinhlamuselo ta le hansi