Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 51:1-19

Eka mufambisi. Miloti ya Davhida. Loko Nathani lowa muprofeta a ta eka yena endzhaku ka loko a tivane na Bati-xeba.+ 51  Oho Xikwembu, ndzi kombe tintswalo hi kuya hi musa wa wena wa rirhandzu.+ Hlangula ku tlula ka mina nawu+ hi ku ya hi tintswalo ta wena to tala.   Ndzi hlantswe xihoxo+ xa mina swinene, Naswona ndzi basise eka xidyoho xa mina.+   Hikuva ndza ku tiva ku tlula ka mina nawu,+ Naswona xidyoho xa mina xi le mahlweni ka mina nkarhi hinkwawo.+   Ndzi dyohele wena, wena ntsena,+ Naswona ndzi endle swo biha ematihlweni ya wena,+ Leswaku u ta vonaka u lulamile loko u vulavula,+ Leswaku u pfumala nandzu loko u avanyisa.+   Waswivo! Hi switlhavi swa ku veleka ndzi velekiwe ndzi ri ni xidyoho,+ Naswona manana u ndzi tikile exidyohweni.+   Waswivo! U tsakele ntiyiso eka swirho swa le ndzeni;+ Naswona onge u nga endla leswaku ndzi tiva vutlhari lebyikulu exihundleni.+   Onge u nga ndzi endla ndzi tenga exidyohweni hi hisopa, leswaku ndzi ta basa;+ Onge u nga ndzi hlantswa, leswaku ndzi ta basa ku tlula gamboko.+   Onge u nga endla leswaku ndzi twa ku khana ni ku tsaka,+ Leswaku marhambu lawa u ma pfotloseke ma tsaka.+   Tumbeta xikandza xa wena xi nga swi voni swidyoho swa mina,+ Naswona u herisa swihoxo+ swa mina hinkwaswo. 10  Tumbuluxa mbilu yo tenga eka mina, Wena Xikwembu,+ Naswona u nghenisa moya lowuntshwa, lowu tserhameke endzeni ka mina.+ 11  U nga ndzi cukumeti ekule ni xikandza xa wena;+ U nga wu susi moya wa wena wo kwetsima eka mina.+ 12  Vuyisela ku khana ka ku ponisiwa ka mina hi wena,+ Naswona onge u nga ndzi seketela hi moya wa ku swi rhandza.+ 13  Lava tlulaka nawu ndzi ta va dyondzisa tindlela ta wena,+ Leswaku vadyohi va tlhelela eka wena.+ 14  Ndzi kutsule eka nandzu wa ngati,+ Oho Xikwembu, Xikwembu xa ku ponisiwa+ ka mina, Leswaku ririmi ra mina ri vula ku lulama ka wena hi ku tsaka.+ 15  Oho Yehovha, onge u nga pfula milomu ya mina,+ Leswaku nomu wa mina wu twarisa ku dzuneka+ ka wena. 16  Hikuva a wu xi tsakeli xitlhavelo—a ndzi ta xi humesa;+ A wu tsakisiwi+ hi gandzelo ro hisiwa leri heleleke. 17  Switlhavelo leswi yaka eka Xikwembu i moya lowu tshovekeke;+ Oho Xikwembu, mbilu leyi tshovekeke yi tlhela yi pfotloseka a wu nge yi languteli ehansi.+ 18  Tirhisana kahle na Siyoni+ hi vunene bya wena; Onge u nga aka marhangu ya Yerusalema.+ 19  Kutani u ta tsakisiwa hi switlhavelo swo lulama,+ Hi xitlhavelo xo hisiwa ni gandzelo leri heleleke;+ Emhakeni yoleyo tinkunzi ti ta humesiwa ealitarini ya wena.+

Tinhlamuselo ta le hansi