Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 5:1-12

Eka mufambisi wa Nehiloto. Miloti ya Davhida. 5  Yingisa+ marito ya mina, Wena Yehovha; Twisisa nhlomulo wa mina.   Yingisa mpfumawulo wa mina wa ku kombela mpfuno,+ Wena Hosi+ ya mina ni Xikwembu xanga, hikuva ndzi khongela+ wena.   Wena Yehovha, u ta twa rito+ ra mina nimixo; Nimixo ndzi ta hundzukela eka wena kutani ndzi rindza.+   Hikuva a wu Xikwembu lexi tsakisiwaka hi vuhomboloki;+ A nga kona wo biha la nga tshamaka na wena+ hambi ku ri rini.   A va kona lava tibumaka lava nga yimaka emahlweni ka mahlo ya wena.+ Wa va venga hinkwavo lava hanyaka hi swo biha;+   U ta va lovisa lava vulavulaka mavunwa.+ Yehovha wa n’wi nyenya munhu la halataka ngati+ ni wa vuxisi.+   Loko ku ri mina, hikwalaho ka ku tala ka musa wa wena wa rirhandzu+ Ndzi ta ta endlwini+ ya wena, Ndzi ta nkhinsama etempeleni ya wena yo kwetsima hi ku ku chava.+   Wena Yehovha, ndzi rhangele eku lulameni+ ka wena hikwalaho ka valala+ va mina; Rhidela ndlela ya wena emahlweni ka mina.+   Hikuva enon’wini wa vona a ku na nchumu lowu tshembekaka;+ Xirho xa vona xa le ndzeni i maxangu hakunene.+ Nkolo wa vona i xilahlo+ lexi pfulekeke; Va tirhisa ririmi ro wonga.+ 10  Kunene Xikwembu xi ta va vona nandzu;+ Va ta wa hikwalaho ka makungu+ ya vona vini. A va hangalasiwe hikwalaho ka ku tlula ka vona nawu minkarhi yo tala,+ Hikuva va ku xandzukerile.+ 11  Kambe hinkwavo lava tumbelaka eka wena va ta tsaka;+ Va ta huwelela hi ku tsaka+ hilaha ku nga riki na makumu. U ta va sivela leswaku va nga tshineleriwi, Naswona lava va rhandzaka vito ra wena va ta tsaka eka wena.+ 12  Hikuva wena u ta katekisa un’wana ni un’wana la lulameke,+ Wena Yehovha; Ku fana ni xitlhangu+ lexikulu, u ta va rhendzela hi tintswalo.+

Tinhlamuselo ta le hansi