Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 49:1-20

Eka mufambisi.Ya vana va Kora.+ Miloti. 49  Yingisani n’wina hinkwenu. Rhiyani ndleve, n’wina lava akeke emafambiselweni lawa ya swilo,+   N’wina vana va vanhu, Wena la fuweke na wena xisiwana.+   Nomu wa mina wu ta vulavula swilo swa vutlhari,+ Naswona mbilu ya mina yi ta anakanyisisa hi swilo swa ku twisisa.+   Ndleve ya mina ndzi ta yi rhiyela marito ya vutlhari;+ Ndzi ta hlamusela mawetana+ ya mina eka haripa.   Ha yini ndzi fanele ndzi chava emasikwini ya vubihi,+ Loko xidyoho xa lava va ndzi kanganyisaka xi ndzi rhendzela?+   Lava va tshembaka swo tihlayisa swa vona,+ Naswona va tshamelaka ku tibuma hi ku tala ka rifuwo ra vona,+   A nga kona ni wun’we eka vona la nga kutsulaka makwavo,+ Hambi ku ri ku nyika Xikwembu nkutsulo wakwe;   (Naswona hakelo ya nkutsulo wa moya-xiviri wa vona i ya risima swinene+ Lerova a ya ha ri kona hilaha ku nga riki na makumu)   Leswaku u fanele a hanya hi masiku a nga voni mugodi.+ 10  Hikuva wa swi vona leswaku ni tintlhari ta fa,+ Xihunguki ni la nga anakanyiki va lova,+ Naswona va fanele va siyela van’wana swo tihlayisa swa vona.+ 11  Endzeni va navela onge tindlu ta vona ti nga va kona hilaha ku nga riki na makumu,+ Titabernakela ta vona ku suka eka xitukulwana xin’wana ku ya eka xitukulwana xin’wana.+ Va thye tindhawu ta vona leti lombiweke hi mavito ya vona.+ 12  Kambe munhu wa la misaveni, hambiloko a xiximiwa, a nge tshami;+ Hakunene u fana ni swiharhi leswi dlayiweke.+ 13  Leyi i ndlela ya lava hungukeke,+ Ni ya lava va va landzelaka, lava tsakelaka leswi va swi vulaka. Se′lah. 14  Ku fana ni tinyimpfu va ta ya eSheol;+ Rifu ri ta va risa;+ Naswona lavo lulama va ta va tsongahata nimixo,+ Ni swivumbeko swa vona swi ta hlakala;+ Un’wana ni un’wana u ta tshama eSheol, ematshan’weni ya vutshamo lebyi tlakukeke.+ 15  Hambiswiritano, Xikwembu xi ta kutsula moya-xiviri wa mina evokweni ra Sheol,+ Hikuva xi ta ndzi amukela. Se′lah. 16  U nga chavi loko munhu un’wana a kuma rifuwo,+ Loko ku vangama ka yindlu yakwe ku engeteleka,+ 17  Hikuva loko a fa a nge fambi na nchumu;+ Ku vangama kakwe a ku nge rheleli na yena.+ 18  Hikuva enkarhini wa ku hanya kakwe a a tshamela ku katekisa moya-xiviri wakwe;+ (Vanhu va ta ku dzunisa hikuva u endla kahle)+ 19  Moya-xiviri wakwe eku heteleleni wu fika laha ku fikeke xitukulwana xa vatata wakwe.+ A va nge he tlheli va vona ku vonakala.+ 20  Munhu wa la misaveni, hambiloko a xiximiwa, loko a nga twisisi,+ Hakunene u fana ni swiharhi leswi dlayiweke.+

Tinhlamuselo ta le hansi