Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 48:1-14

Risimu. Miloti ya vana va Kora.+ 48  Yehovha hi lonkulu naswona u fanele a dzunisiwa swinene+ Emutini wa Xikwembu xa hina,+ entshaveni yakwe yo kwetsima.+   Yi tlakuke hi ndlela yo saseka, ku khana ka misava hinkwayo,+ Ntshava ya Siyoni ekule hi tlhelo ra le n’walungwini,+ Muti wa Hosi Leyikulu.+   Xikwembu xi tiviwa xi ri xisirhelelo lexi tlakukeke eswihondzweni swa yena swo tshama eka swona.+   Hikuva waswivo, tihosi ti hlangane hi nkarhi lowu ti twananeke ha wona,+ Ti hundze swin’we.+   Ti swi vonile; kutani ti hlamala. Ti karhatekile, kutani ti tsutsuma hi ku chava.+   Ti rhurhumerile kwalaho,+ Ti khomiwa hi ku lun’wa ka ku veleka ku fana ni ka wansati la velekaka.+   Hi mheho ya le vuxeni u faya swikepe swa Taraxixi.+   Hilaha hi swi tweke hakona, hi swi vonise xisweswo+ Emutini wa Yehovha wa mavuthu, emutini wa Xikwembu+ xa hina. Xikwembu xi ta wu simeka wu tiya hilaha ku nga riki na makumu.+ Se′lah.   Oho Xikwembu, hi anakanyisisile hi musa wa wena wa rirhandzu+ Exikarhi ka tempele ya wena.+ 10  Oho Xikwembu, ku dzuneka ka wena ku fana ni ka vito ra wena+ Ku yisa emindzilakaneni ya misava. Voko ra wena ra xinene ri tele hi ku lulama.+ 11  Onge Ntshava ya Siyoni+ yi nga tsaka, Onge swimitana swa Yuda leswi titshegeke ha wona swi nga tsaka+ hikwalaho ka swiboho swa wena swa vuavanyisi.+ 12  Gwirimani mi rhendzela Siyoni, mi famba-famba eka wona,+ Hlayani swihondzo swa wona.+ 13  Vekani timbilu ta n’wina erirhangwini ra wona.+ Kambelani swihondzo swa wona swo tshama eka swona, Leswaku mi ta rungulela xitukulwana xa nkarhi lowu taka.+ 14  Hikuva Xikwembu lexi i Xikwembu xa hina hilaha ku nga riki na makumu, hi masiku.+ Xona xi ta hi kongomisa kukondza hi fa.+

Tinhlamuselo ta le hansi