Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 45:1-17

Mufambisi wa Makhon’wa. Ya vana va Kora. Maskili. Risimu ra vavasati lava rhandzekaka. 45  Mbilu ya mina yi xalamukele mhaka leyinene ngopfu.+Ndzi ri: “Mintirho ya mina yi khumba hosi.”+Onge ririmi ra mina ri nga va xitsalo+ xa mukopi la nga ni vuswikoti.+   Hakunene u saseke ku tlula vana va vanhu.+Vuxongi byi chuluriwe emilon’wini ya wena.+Hi yona mhaka leyi Xikwembu xi ku katekiseke hilaha ku nga riki na makumu.+   Khama banga+ ra wena endzhumbini wa wena, Wena la nga ni matimba,+Hi xindzhuti xa wena ni ku vangama ka wena.+   Humelela hi ku vangama ka wena;+Famba hi ndlela ya ntiyiso ni ku titsongahata ni ku lulama,+Naswona voko ra wena ra xinene ri ta ku letela hi swilo leswi chavisekaka.+   Miseve ya wena ya kariha—vanhu va hambeta va wa ehansi ka wena+Embilwini ya valala va hosi.+   Xikwembu i xiluvelo xa wena hilaha ku nga riki na makumu, hi masiku;+Nhonga ya vuhosi bya wena i nhonga ya vuhosi ya vululami.+   U rhandze ku lulama+ naswona u venga vuhomboloki.+Hi yona mhaka leyi Xikwembu, Xikwembu+ xa wena xi ku toteke+ hi mafurha ya ku khana+ ku tlula lava u tirhisanaka na vona.+   Tinguvu ta wena hinkwato i mira ni mhangani ni khasiya;+Swichayachayana swa switende leswi humaka exigodlweni lexikulu xa timhondzo ta tindlopfu+ swi ku tsakisile.   Vana va tihosi va vanhwanyana+ va le xikarhi ka vavasati va wena vo saseka.Nsati+ wa hosi u yime evokweni ra wena ra xinene eka nsuku wa Ofiri.+ 10  Yingisa, Wena nhwanyana, languta u rhiya ndleve;Naswona rivala vanhu va wena ni yindlu ya tata wa wena.+ 11  Hosi yi ta navela ku saseka+ ka wena,Hikuva i hosi ya wena,+Kutani nkhinsama eka yona.+ 12  Ni nhwanyana wa le Tiri u ni nyiko+Lava fuweke exikarhi ka vanhu va ta ku tsakisa.+ 13  Nhwanyana wa hosi wa vangama swinene endzeni ka yindlu;+Swiambalo swakwe swi khavisiwe hi nsuku. 14  U ta tisiwa eka hosi hi nguvu leyi lukiweke.+Lava nga vanhwana enxaxamelweni wakwe, ku nga vanakulobye va tisiwa eka wena.+ 15  Va ta tisiwa hi ku tsaka ni ku khana;Va ta nghena exigodlweni xa hosi. 16  Ematshan’weni ya vatata+ wa wena ku ta va ni vana va wena,+Lava u nga ta va veka va va tihosana emisaveni hinkwayo.+ 17  Ndzi ta vula vito ra wena eka switukulwana hinkwaswo leswi nga ta ta.+Hi yona mhaka leyi vanhu va nga ta ku dzunisa hilaha ku nga riki na makumu, hi masiku.

Tinhlamuselo ta le hansi