Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 44:1-26

Eka mufambisi. Ya vana va Kora.+ Maskili. 44  Oho Xikwembu, hi switwile hi tindleve tahina, Vatata wa hina va hi rungulerile+ Ntirho lowu u wu endleke emasikwini ya vona,+ Emasikwini ya khale swinene.+   U hlongole matiko hi voko ra wena,+ Kutani u va byala ematshan’weni ya wona.+ U hangalase vanhu va matiko u va hlongola.+   Hikuva a va tekanga tiko hi banga ra vona,+ Naswona voko ra vona a hi rona ri va poniseke.+ Hikuva a ku ri voko ra wena ra xinene ni xandla+ xa wena ni ku vonakala ka xikandza xa wena, Hikuva u va tsakerile.+   Wena u Hosi yanga, Wena Xikwembu.+ Lerisa ku ponisa lokukulu eka Yakobe.+   Ha wena hi ta susumeta swirha swa hina;+ Hi vito ra wena hi ta va kandziyela ehansi lava va hi pfukelaka.+   Hikuva a ndzi tshembanga vurha bya mina+ Naswona a ndzi ponisiwanga hi banga ra mina.+   Hikuva u hi ponisile eka swirha swa hina,+ Naswona u va khomise tingana+ lava va hi vengaka swinene.   Hi ta dzunisa Xikwembu siku hinkwaro,+ Naswona hi ta vonga vito ra wena hilaha ku nga riki na makumu.+ Se′lah.   Kambe sweswi u hi cukumetile naswona u tshamela ku hi tsongahata,+ Naswona a wu humi ni mavuthu+ ya hina. 10  U tshamela ku hi endla hi tlhentlha eka xirha,+ Naswona lava va hi vengaka swinene va phange swilo.+ 11  U hi nyikele kukota tinyimpfu, ku fana ni nchumu lowu dyiwaka,+ Naswona u hi hangalasile exikarhi ka matiko.+ 12  U xavisa vanhu va wena hi nxavo wa le hansi swinene,+ Naswona a wu endlanga rifuwo hi nxavo wa vona. 13  U hi veke hi va ndzhukano eka vaakelani va hina,+ Xihlekulo ni xisandzu eka lava va hi rhendzeleke.+ 14  U hi veke hi va xihlekulo exikarhi ka matiko,+ Vanhu va matiko va hi hlakahlela tinhloko.+ 15  Ku tsongahatiwa ka mina ku le mahlweni ka mina siku hinkwaro, Naswona tingana ti funengete mombo wa mina,+ 16  Hikwalaho ka rito ra loyi a ndzi rhukanaka ni la vulaka swo biha, Hikwalaho ka nala ni loyi a tirihiselaka.+ 17  Leswi hinkwaswo hi swona swi hi weleke ehenhla, naswona a hi ku rivalanga,+ A hi endlanga hi vuxisi eka ntwanano+ wa wena. 18  Mbilu ya hina a yi ku fularhelanga hi ku pfumala ripfumelo,+ Hambi ku ri milenge ya hina a yi hambukanga endleleni ya wena.+ 19  Hikuva u hi pfotlosile endhawini ya timhungubye,+ Naswona u hi funengete hi ndzhuti lowukulu.+ 20  Loko hi rivele vito ra Xikwembu xa hina, Kumbe hi tshambulute swandla swa hina eka xikwembu ximbe,+ 21  Xana Xikwembu a xi nge swi lavisisi leswi?+ Hikuva xa swi vona swihundla swa le mbilwini.+ 22  Kambe hikwalaho ka wena hi dlayiwile siku hinkwaro; Hi tekiwe ku fana ni tinyimpfu leti yaka eku tlhaviweni.+ 23  Pfuka. Ha yini u ya emahlweni u etlela, Wena Yehovha?+ Pfuka. U nga hi cukumeti hilaha ku nga heriki.+ 24  Ha yini u tshama u tumbete xikandza xa wena? Ha yini u rivala ku xaniseka ka hina ni ntshikilelo wa hina?+ 25  Hikuva moya-xiviri wa hina wu nkhinsame entshurini;+ Makhwiri ya hina ma namarhele misava. 26  Pfuka u hi pfuna+ U hi kutsula hikwalaho ka musa wa wena wa rirhandzu.+

Tinhlamuselo ta le hansi