Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 42:1-11

Eka mufambisi. Maskili ya vana va Kora.+ 42  Ku fana ni mhunti leyinavelaka mati ya swinambyana,Moya-xiviri wa mina wa ku navela hi ndlela leyi fanaka, Wena Xikwembu.+   Hakunene moya-xiviri wa mina wu ni torha ra Xikwembu,+ ra Xikwembu lexi hanyaka.+Xana ndzi ta ta rini ndzi ta humelela emahlweni ka Xikwembu?+   Mihloti ya mina yi ve swakudya swa mina nhlikanhi ni vusiku,+Kasi siku hinkwaro va ri eka mina: “Xikwembu xa wena xi kwihi?”+   Swilo leswi ndzi ta swi tsundzuka, ndzi ta chulula moya-xiviri wa mina lowu nga endzeni ka mina.+Hikuva a ndzi tala ku hundza ni ntshungu,A ndzi tala ku famba katsongo emahlweni ka wona ndzi ya endlwini ya Xikwembu,+Hi rito ra ku huwelela ka ku tsaka ni ku nkhensa,+Ra ntshungu lowu tlangelaka nkhuvo.+   Ha yini u ri ni gome, Wena moya-xiviri wa mina,+Ha yini u tlhaveka endzeni ka mina?+Rindzela Xikwembu,+Hikuva ndza ha ta xi dzunisa leswi xi nga ku ponisiwa ka mina lokukulu.+   Oho Xikwembu xanga, moya-xiviri wa mina wu ni gome endzeni ka mina.+Hi yona mhaka leyi ndzi ku tsundzukaka,+Ndzi ri etikweni ra Yordani ni le tinhlohlorhini ta Herimoni,+Ndzi ri exintshabyanini.+   Xidziva xa mati xi vitana xidziva xa matiHi mpfumawulo wa maboboma (ya mati) ya wena.Magandlati ya wena hinkwawo ni maboboma+Ma hundze+ ehenhla ka mina.   Ninhlikanhi Yehovha u ta lerisa musa wakwe wa rirhandzu,+Nivusiku risimu rakwe ri ta va na mina;+Ku ta va ni xikhongelo lexi yaka eka Xikwembu xa vutomi bya mina.+   Ndzi ta byela Xikwembu, ribye+ ra mina, ndzi ku:“Ha yini u ndzi rivele?+Ha yini ndzi famba ndzi hlunamile hikwalaho ka ntshikilelo wa nala?”+ 10  Lava va ndzi vengaka va ndzi rhukanile va dlaya marhambu ya mina hi vomu,+Kasi siku hinkwaro va ri eka mina: “Xikwembu xa wena xi kwihi?”+ 11  Ha yini u ri ni gome, Wena moya-xiviri+ wa mina,Ha yini u tlhaveka endzeni ka mina?+Rindzela Xikwembu,+Hikuva ndza ha ta xi dzunisa leswi xi nga ku ponisiwa ka mina lokukulu ni Xikwembu xanga.+

Tinhlamuselo ta le hansi