Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 41:1-13

Eka mufambisi. Miloti ya Davhida. 41  Wa tsaka un’wana ni un’wana la ehleketelaka xisiwana;+ Hi siku ra khombo Yehovha u ta n’wi ponisa.+   Yehovha u ta n’wi rindza, a n’wi londzovota a hanya.+ U ta vuriwa la tsakeke emisaveni;+ Naswona a wu nge n’wi nyiketi eka moyaxiviri wa valala vakwe.+   Yehovha u ta n’wi seketela ehenhla ka mubedo wa vuvabyi;+ Kunene sangu ra yena u ta ri cinca hi nkarhi wa ku vabya.+   Loko ku ri mina, ndzi te: “Oho Yehovha, ndzi kombe tintswalo.+ Hanyisa moyaxiviri wa mina, hikuva ndzi ku dyoherile.”+   Loko ku ri valala va mina, va vula swo biha malunghana na mina:+ “Xana u ta fa rini, entiyisweni ni vito rakwe ri lova?”   Naswona loko munhu a ta a ta ndzi vona, mbilu yakwe yi ta vula leswi nga riki ntiyiso;+ U ta tihlengeletela nchumu wo biha; U ta huma; ehandle u ta vulavula ha swona.+   Hinkwavo lava ndzi vengaka va hlevelana hi vun’we ku lwa na mina;+ Va tshamela ku ndzi bohela makungu yo biha:+   “Nchumu lowu nga pfuniki nchumu wu chuluriwile ehenhla ka yena;+ Leswi se a etleleke, a nge he pfuki.”+   Nakambe munhu la nga ni ku rhula na mina, loyi a ndzi n’wi tshembile,+ Loyi a a dya xinkwa xa mina,+ u ndzi tlakusele xirhendze xa yena.+ 10  Oho Yehovha, loko ku ri wena, ndzi kombe tintswalo naswona u endla leswaku ndzi pfuka,+ Leswaku ndzi ta va tlherisela.+ 11  Hi leswi, ndza swi tiva leswaku u ndzi tsakerile, Hikuva nala wa mina a nga ndzi huweleli hi ku hlula.+ 12  Loko ku ri mina, u ndzi seketerile hikwalaho ka vutshembeki bya mina,+ Naswona u ta ndzi veka emahlweni ka xikandza xa wena hilaha ku nga riki na makumu.+ 13  A a dzunisiwe Yehovha, Xikwembu xa Israyele+ Ku sukela enkarhini lowu nga riki na makumu ku yisa enkarhini lowu nga riki na makumu.+ Amen, Amen.+

Tinhlamuselo ta le hansi