Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 40:1-17

Eka mufambisi. Ya Davhida, miloti. 40  Ndzi tshemba Yehovha+hi mbilu ya mina hinkwayo, Kutani u voyamisele ndleve yakwe eka mina, a yingisa loko ndzi kombela ku pfuniwa.+   U tlhele a ndzi humesa emugodini lowu vombaka,+ A ndzi humesa endzhopeni wa makhukhuri.+ Kutani a yimisa milenge ya mina ehenhla ka ribye;+ A simeka milenge ya mina yi tiya.+   Ku tlula kwalaho, a nghenisa risimu lerintshwa enon’wini wa mina, Ku dzunisa loku yaka eka Xikwembu xa hina.+ Vo tala va ta swi vona kutani va chava,+ Va ta tshemba Yehovha.+   Wa tsaka munhu la tiyeke emirini la vekeke Yehovha leswaku a va ntshembo wakwe+ La nga xi hundzuluxelangiki xikandza xakwe eka vanhu lava xandzukaka, Hambi ku ri eka lava welaka eka mavunwa.+   U endle swilo swo tala,+ Oho Yehovha Xikwembu xanga, ni mintirho ya wena yo hlamarisa ni miehleketo ya wena eka hina;+ A nga kona la nga fanisiwaka na wena.+ Loko a ndzi lava ku vulavula ha yona, Yi tele swinene lerova a ndzi nge yi runguli.+   A wu tsakisiwanga hi xitlhavelo ni gandzelo;+ U pfule tindleve leti ta mina.+ A wu kombelanga gandzelo ro hisiwa ni gandzelo ra xidyoho.+   Hikwalaho ka sweswo ndzi te: “Ndzi tile,+ Hilaha swi tsariweke hakona malunghana na mina ebukwini leyi songiwaka.+   Oho Xikwembu xanga, ndzi tsakisiwe hi ku endla ku rhandza ka wena,+ Ni nawu wa wena wu le ndzeni ka swirho swa mina swa le ndzeni.+   Ndzi vule mahungu lamanene ya ku lulama enhlengeletanweni leyikulu.+ Waswivo! Nomu wa mina a ndzi wu siveli.+ Oho Yehovha, wena u swi tiva kahle.+ 10  Ku lulama ka wena a ndzi ku funengetanga endzeni ka mbilu ya mina,+ Ku tshembeka ka wena ni ku ponisa ka wena ndzi ku huwelerile.+ A ndzi wu fihlanga musa wa wena wa rirhandzu ni ntiyiso wa wena enhlengeletanweni leyikulu.”+ 11  Oho Yehovha, u nga ndzi siveli ntwelavusiwana wa wena.+ Musa wa wena wa rirhandzu ni ntiyiso wa wena a swi ndzi hlayise nkarhi hinkwawo.+ 12  Hikuva ndzi rhendzeriwe hi makhombo kukondza ma nga ha hlayeki.+ Swidyoho swa mina swo tala swi ndzi talele ngopfu, ndzi nga ha koti ku vona;+ Swi tele ku tlula misisi ya nhloko ya mina,+ Ni mbilu ya mina yi ndzi siyile.+ 13  Oho Yehovha, tsakela ku ndzi kutsula.+ Oho Yehovha, hatlisela ku ndzi pfuna.+ 14  Onge va nga khomiwa hi tingana va tlhela va yisiwa ehansi hinkwavo+ Lava lavaka moyaxiviri wa mina leswaku va wu susa.+ Onge va nga tlhela naswona va tsongahatiwa lava tsakelaka khombo ra mina.+ 15  A va langute hi ku hlamala hikwalaho ka tingana ta vona+ Lava vulaka eka mina va ku: “Aha! Aha!”+ 16  Volavo a va khane, va tsaka eka wena,+ Hinkwavo lava ku lavaka.+ Nkarhi hinkwawo a va vule va ku: “Onge Yehovha a nga twarisiwa,”+ Lava rhandzaka ku ponisiwa hi wena.+ 17  Kambe ndza xaniseka naswona ndzi xisiwana.+ Yehovha wa ndzi khathalela.+ U mupfuni wa mina ni Muponisi wa mina.+ Oho Xikwembu xanga, u nga hlweli ngopfu.+

Tinhlamuselo ta le hansi