Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 4:1-8

Eka mufambisi wa swichayachayana swa switende.+ Miloti ya Davhida. 4  Loko ndzi vitana, ndzi hlamule, Wena Xikwembu xanga xo lulama.+ U fanele u ndzi pfulela ndhawu yo anama emaxangwini. Ndzi kombe tintswalo+ naswona u yingisa xikhongelo xa mina.   N’wina vana va vanhu, xana ku vangama+ ka mina ku fanele ku va ndzhukano ku fikela rini, Kasi mi hambeta mi rhandza swilo swa hava, Kasi mi hambeta mi lava mavunwa? Seʹlah.   Kutani swi tiveni kunene leswaku Yehovha u ta hlawula la tshembekeke wakwe;+ Yehovha u ta ndzi yingisa loko ndzi n’wi vitana.+   Hlundzukani, kambe mi nga dyohi.+ Vulavulani hi mbilu ya n’wina loko mi ri esangweni+ ra n’wina, kutani mi miyela. Seʹlah.   Humesani switlhavelo swa ku lulama,+ Naswona mi tshemba Yehovha.+   Ku ni vo tala lava vulaka va ku: “I mani la nga ta hi kombisa leswinene?” Tlakusela ku vonakala ka xikandza xa wena ehenhla ka hina,+ Wena Yehovha.   Kunene u ta tsakisa mbilu+ ya mina Ku tlula nkarhi lowu mavele ya vona ni vhinyo ya vona leyintshwa a swi tele ha wona.+   Ndzi ta pavalala ni ku etlela+ hi ku rhula, Hikuva wena u ri wexe, Wena Yehovha, u endla leswaku ndzi tshama ndzi sirhelelekile.+

Tinhlamuselo ta le hansi