Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 38:1-22

Miloti ya Davhida, ya ku tsundzuxa. 38  Oho Yehovha, u nga ndzi tshinyi u hlundzukile,+ Hambi ku ri ku ndzi lulamisa u karihile.+   Hikuva miseve ya wena yi ndzi tlhave yi nghena endzenindzeni,+ Ni voko ra wena ri xikele ehenhla ka mina.+   A ku na ndhawu leyi hanyeke kahle enyameni ya mina hikwalaho ka xigwevo xa wena.+ A ku na ku rhula emarhambyini ya mina hikwalaho ka xidyoho xa mina.+   Hikuva swidyoho swa mina swi hundze nhloko ya mina;+ Swa ndzi tikela ku fana ni ndzhwalo wo tika.+   Timbanga ta mina ta nun’hwa, ti ni vopfu, Hikwalaho ka vuphukuphuku bya mina.+   Ndzi pfilunganyekile, ndzi nkhinsame ngopfu;+ Ndzi fambafambe siku hinkwaro ndzi hlunamile.+   Hikuva masenge ya mina ma hisa swinene, Naswona a yi kona ndhawu leyi hanyeke kahle enyameni ya mina.+   Ndzi heleriwe hi matimba kutani ndzi pfotloseka ku tlula mpimo; Ndzi vombile hikwalaho ka ku konya ka mbilu ya mina.+   Oho Yehovha, ku navela ka mina hinkwako ku le mahlweni ka wena, Naswona nhlomulo wa mina a wu tumbelanga eka wena.+ 10  Mbilu ya mina yi ba hi matimba swinene, matimba ya mina ma ndzi siyile, Ni ku vonakala ka mahlo ya mina a ku kona eka mina.+ 11  Loko ku ri varhandziwa va mina ni vanakulorhi, va yimela le kule ni khombo ra mina,+ Ni vanakulorhi lavakulu va yimele le kule.+ 12  Kambe lava lavaka moyaxiviri wa mina va rhiye swirimbana,+ Ni lava va ndzi vangelaka maxangu va vulavule swo biha,+ Va hambeta va vulavula vuxisi siku hinkwaro.+ 13  Loko ku ri mina, ku fana ni la feke tindleve, a ndzi nge yingisi;+ Ku fana ni la nga vulavuriki, a ndzi nge wu pfuli nomu wa mina.+ 14  Se ndzi kotise munhu la nga twiki, Naswona a ku nga ri na tinhlamulo enon’wini wa mina. 15  Oho Yehovha, ndzi rindzele wena;+ Wena wa ndzi hlamula, Oho Yehovha Xikwembu xanga.+ 16  Hikuva ndzi te: “Loko swi nga ri tano va ta tsaka ha mina;+ Loko nenge wa mina wu dedeleka,+ kunene va ta tikukumuxa eka mina.”+ 17  Hikuva a ndzi lunghekele ku khwita,+ Ni xitlhavi xa mina a xi ri emahlweni ka mina nkarhi hinkwawo.+ 18  Hikuva ndzi vulavule hi xidyoho xa mina;+ Ndzi vilela hikwalaho ka xidyoho xa mina.+ 19  Valala va mina lava hanyaka va ve ni matimba,+ Ni lava va ndzi vengaka ku nga ri na xivangelo va tele.+ 20  A va ndzi hakela hi swo biha hikwalaho ka leswinene;+ Va hambeta va lwa na mina ku ri hakelo ya leswi ndzi landzelelaka leswinene.+ 21  Oho Yehovha, u nga ndzi tshiki. Oho Xikwembu xanga, u nga vi ekule na mina.+ 22  Ndzi pfune hi ku anghwetla,+ Oho Yehovha ku ponisiwa ka mina.+

Tinhlamuselo ta le hansi