Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 37:1-40

Ya Davhida. א [ʼAʹleph] 37  U nga karihi hikwalaho ka lava endlaka swo biha.+U nga va vondzoki lava endlaka leswi nga lulamangiki.+   Hikuva hi ku hatlisa va ta vuna+ ku fana ni byanyi,Hi ku hatlisa va ta vuna+ ku fana ni byanyi bya rihlaza lebya ha humaka. ב [Behth]   Tshemba Yehovha u endla leswinene;+Tshama emisaveni, kutani u endla hi ku tshembeka.+   Kuma ntsako lowu heleleke eka Yehovha,+Kutani u ta ku nyika leswi komberiwaka hi mbilu ya wena.+ ג [Giʹmel]   Andlala ndlela ya wena eka Yehovha,+U n’wi tshemba,+ yena u ta teka goza.+   Kunene u ta humesa ku lulama ka wena tanihi ku vonakala,+Ni vululami bya wena kukota nhlikanhi.+ ד [Daʹleth]   Miyela emahlweni ka Yehovha+N’wi rindzele hi ku swi rhandza.+U nga karihi loko un’wana a humelela endleleni yakwe,+Munhu la hetisisaka mianakanyo yakwe.+ ה [Heʼ]   Tshika ku hlundzuka, siya vukarhi;+U nga kariheli ku endla swo biha.+   Hikuva lava endlaka swo biha va ta herisiwa,+Kambe lava tshembaka Yehovha hi vona lava nga ta dya ndzhaka ya misava.+ ו [Waw] 10  Hi nkarhinyana, lowo homboloka a nge he vi kona;+Kunene u ta languta endhawini yakwe, u ta va a nga ri kona.+ 11  Kambe lavo rhula va ta dya ndzhaka ya misava,+Hakunene va ta kuma ntsako lowu heleleke eku rhuleni lokukulu.+ ז [Zaʹyin] 12  Lowo homboloka u luka rhengu a lukela lowo lulama,+U n’wi getserisela meno.+ 13  Yehovha u ta n’wi hleka,+Hikuva wa swi vona kunene leswaku siku rakwe ri ta ta.+ ח [Chehth] 14  Lavo homboloka va hlomule banga naswona va kunge vurha bya vona,+Leswaku va wisa la xanisekaka ni la nga xisiwana,+Ku dlaya lava lulameke endleleni ya vona.+ 15  Banga ra vona ri ta nghena embilwini ya vona,+Ni mavurha ya vona ma ta tshoveka.+ ט [Tehth] 16  Swa antswa leswitsongo swa lowo lulama+Ku tlula swo tala swa lavo homboloka.+ 17  Hikuva mavoko ya lavo homboloka ma ta tshoveka,+Kambe Yehovha u ta seketela lavo lulama.+ י [Yohdh] 18  Yehovha wa ma lemuka masiku ya lava pfumalaka xihoxo,+Ni ndzhaka ya vona yi ta va kona hilaha ku nga riki na makumu.+ 19  A va nge khomiwi hi tingana hi nkarhi wa khombo,+Va ta xurha hi masiku ya ndlala.+ כ [Kaph] 20  Hikuva lavo homboloka va ta lova,+Ni valala va Yehovha va ta fana ni madyelo ya risima;Va fanele va fika emakumu.+ Va fanele va herisiwa hi musi.+ ל [Laʹmedh] 21  Lowo homboloka wa lomba kambe a nga tlherisi,+Kambe lowo lulama u kombisa tintswalo naswona u humesa tinyiko.+ 22  Hikuva lava katekisiwaka hi yena va ta fuwa misava,+Kambe lava a va rhukanaka va ta herisiwa.+ מ [Mem] 23  Yehovha u lunghiselele milenge ya munhu la tiyeke emirini,+Naswona U tsakisiwa+ hi ndlela yakwe. 24  Hambiloko o wa, a nge lahleriwi ehansi,+Hikuva Yehovha u seketela voko rakwe.+ נ [Nun] 25  A ndzi ri jaha, kambe se ndzi dyuhele,+Kambe a ndzi si tshama ndzi vona munhu la lulameke a tshikiwa hi ku helela,+Hambi ku ri vana vakwe va lava xinkwa.+ 26  Siku hinkwaro u kombisa tintswalo naswona wa lombisa,+Ni vana vakwe va faneriwa hi nkateko.+ ס [Saʹmekh] 27  Fularhela swo biha u endla leswinene,+Kutani u tshama hilaha ku nga riki na makumu.+ 28  Hikuva Yehovha u rhandza vululami,+Naswona a nge va siyi lava tshembekeke vakwe.+ע [ʽAʹyin]Kunene va ta rindziwa hilaha ku nga riki na makumu;+Kambe loko ku ri vana va lavo homboloka, kunene va ta herisiwa.+ 29  Lavo lulama va ta dya ndzhaka ya misava,+Va ta tshama eka yona hi masiku.+ פ [Peʼ] 30  Nomu wa lowo lulama hi wona wu vulaka vutlhari hi rito ra le hansi,+Ni ririmi rakwe ri vulavula hilaha ku lulameke.+ 31  Nawu wa Xikwembu xakwe wu le mbilwini yakwe;+Milenge yakwe a yi nge tsekatseki.+ צ [Tsa·dhehʹ] 32  Lowo homboloka u tshama a rindze lowo lulama+U lava ku n’wi dlaya.+ 33  Loko ku ri Yehovha, a nge n’wi siyi evokweni ra yoloye,+Naswona a nge vuli leswaku u hombolokile loko a n’wi avanyisa.+ ק [Qohph] 34  Tshemba Yehovha u hlayisa ndlela yakwe,+U ta ku tlakusa leswaku u dya ndzhaka ya misava.+U ta swi vona loko lavo homboloka va herisiwa.+ ר [Rehsh] 35  Ndzi n’wi vonile muxanisi wo homboloka+A nava ku fana ni murhi lowu vekaka mihandzu emisaveni ya wona.+ 36  Kambe a hundza, a nga ha vi kona;+Naswona a ndzi hambeta ndzi n’wi lava, kambe a nga kumekanga.+ ש [Shin] 37  Languta la pfumalaka xisandzu naswona u vona la lulameke,+Hikuva vumundzuku bya munhu yoloye byi ta va ni ku rhula.+ 38  Kambe lava tlulaka nawu kunene va ta lovisiwa swin’we;+Vumundzuku bya lavo homboloka byi ta herisiwa hakunene.+ ת [Taw] 39  Ku ponisiwa ka lavo lulama ku huma eka Yehovha;+I xisirhelelo xa vona hi nkarhi wa maxangu.+ 40  Yehovha u ta va pfuna a va ponisa.+U ta va balekisa eka vanhu vo homboloka kutani a va ponisa,+Hikuva va tumbele eka yena.+

Tinhlamuselo ta le hansi