Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 35:1-28

Ya Davhida. 35  Oho Yehovha, kambisisa mhaka ya mina ya lava va ndzi mangalelaka;+ Lwana ni lava va lwaka na mina.+   Khoma xitlhangu lexitsongo ni xitlhangu lexikulu,+ Pfuka u ndzi pfuna,+   Hlomula fumu ni xihloka lexi tsemaka hala ni hala leswaku u ya hlangana ni lava va ndzi hlongorisaka.+ Byela moyaxiviri wa mina u ku: “Ndzi muponisi wa wena.”+   Onge va nga khomiwa hi tingana ni ku tsongahatiwa lava hlotaka moyaxiviri wa mina.+ Onge va nga tlherisiwa ni ku yisiwa ehansi lava va ndzi bohelaka makungu ya khombo.+   Onge va nga fana ni mungu emahlweni ka mheho,+ Ntsumi ya Yehovha a yi va susumete.+   Ndlela ya vona a yi ve munyama ni tindhawu leti rhetaka,+ Ntsumi ya Yehovha a yi va hlongorise.   Hikuva ku nga ri na xivangelo va ndzi fihlele mugodi wa vona lowu nga ni rikoka;+ Ku nga ri na xivangelo va wu celele moyaxiviri wa mina.+   A a weriwe hi ndzoviso a nga swi tivi,+ Ni rikoka rakwe leri a ri fihleke a ri n’wi khome;+ A a wele eka rona a lova.+   Kambe moyaxiviri wa mina a wu tsake eka Yehovha;+ A wu khane hi ku ponisa kakwe.+ 10  Marhambu ya mina hinkwawo a ma vule ma ku:+ “Oho Yehovha, i mani la fanaka na wena,+ La kutsulaka munhu la xanisekaka eka loyi a nga ni matimba ku n’wi tlula,+ La xanisekaka ni la nga xisiwana eka loyi a n’wi kanganyisaka?”+ 11  Ku va ni timbhoni ta madzolonga;+ Ti ndzi vutisa leswi ndzi nga swi tiviki.+ 12  Ti ndzi hakela hi swo biha hikwalaho ka leswinene,+ Ku lahlekeriwa moyaxiviri wa mina.+ 13  Loko ku ri mina, a ndzi ambala nguvu yo khwaxa+ loko ti vabya, Moyaxiviri+ wa mina a ndzi wu xanisa hi ku titsona swakudya, Xikhongelo xa mina a xi vuyela+ exifuveni xa mina. 14  Onge hiloko ku ri nakulorhi, onge hiloko ku ri makwerhu,+ A ndzi fambafamba ku fana ni la rilaka mana wakwe.+ Loko ndzi hlunamile, a ndzi nkhinsama. 15  Kambe loko ndzi khwita, a ti tsaka naswona ti hlengeletana;+ A ti hlengeletanela ku lwa na mina,+ Ti ndzi ba ndzi nga swi tivi;+ Ti ndzi sandza ti nga miyeli.+ 16  Exikarhi ka vavungunyi lava gwinehaka hikwalaho ka xinkwa+ A ti ndzi getserisela meno.+ 17  Oho Yehovha, xana u ta swi vona+ ku fikela rini? Vuyisa moyaxiviri wa mina eku hlaseleni ka vona,+ Wona ntsena+ eka swinghalana leswi nga ni ntshiva. 18  Ndzi ta ku vonga enhlengeletanweni leyikulu;+ Ndzi ta ku dzunisa exikarhi ka vanhu vo tala.+ 19  Lava va nga valala va mina ku nga ri na xivangelo va nga tsaki ehenhla ka mina;+ Loko ku ri lava va ndzi vengaka ku nga ri na xivangelo, va nga tsopeti tihlo.+ 20  Hikuva a va vulavuli ku rhula;+ Kambe eka lava miyeleke emisaveni Va hambeta va boha makungu ya vuxisi.+ 21  Va ndzi ahlamisela milomu ya vona.+ Va te: “Aha, Aha, tihlo ra hina ri swi vonile.”+ 22  Oho Yehovha,+ u swi vonile. U nga miyeli.+ Oho Yehovha, u nga  vi ekule na mina.+ 23  Tipfuxe u xalamukela vuavanyisi bya mina,+ Oho Xikwembu xanga, wena Yehovha, emhakeni ya mina ya le nawini.+ 24  Ndzi avanyise hi ku landza ku lulama ka wena, Wena Yehovha Xikwembu xanga,+ Va nga tsaki ehenhla ka mina.+ 25  Va nga vuli embilwini ya vona va ku: “Aha, mo yaxiviri wa hina!”+ Va nga vuli va ku: “Hi n’wi mitile.”+ 26  Volavo a va ambexiwe tingana naswona va yisiwa ehansi swin’we+ Lava tsakelaka khombo ra mina.+ Volavo a va ambale tingana+ ni ku tsongahatiwa, lava tikukumuxaka eka mina.+ 27  A va tsake ni ku tsakisisa lava tsakelaka ku lulama ka mina,+ A va hambete va ku:+ “Yehovha a a twarisiwe, la tsakisiwaka hi ku rhula ka nandza wakwe.”+ 28  Ririmi ra mina a ri vule ku lulama+ ka wena hi rito ra le hansi, Ri ku dzunisa siku hinkwaro.+

Tinhlamuselo ta le hansi