Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 34:1-22

Ya Davhida, enkarhini lowu a nga tiendla onge a nga hanyanga kahle emiehleketweni+ emahlweni ka Abimeleke, lerova a n’wi hlongola, a famba. א [ʼAʹleph] 34  Ndzi ta nkhensa Yehovha minkarhi hinkwayo;+Ku n’wi dzunisa ku ta va enon’wini wa mi na nkarhi hinkwa wo.+ ב [Behth]   Moyaxiviri wa mina wu ta tibuma+ eka Yehovha;Lavo rhula va ta swi twa, kutani va tsaka.+ ג [Giʹmel]   Oho n’wina vanhu, twarisani Yehovha mi ri na mina,+A hi tlakuseni vito rakwe swin’we.+ ד [Daʹleth]   Ndzi vutise Yehovha, kutani a ndzi hlamula,+U ndzi kutsurile eku chaveni ka mina hinkwako.+ ה [Heʼ]   Va langute eka yena, kutani va vangama,+Ni swikandza swa vona a swi nga ta khomiwa hi tingana.+ ז [Zaʹyin]   Loyi a xanisekaka u vitanile, Yehovha a n’wi twa.+Kutani U n’wi ponisile emaxangwini yakwe hinkwawo.+ ח [Chehth]   Ntsumi ya Yehovha yi aka nxaxa ku rhendzela hinkwavo lava n’wi chavaka,+Naswona ya va ponisa.+ ט [Tehth]   N’wina nantswani mi vona leswaku Yehovha hi lonene;+Wa tsaka munhu la tiyeke emirini la tumbelaka eka yena.+ י [Yohdh]   Chavani Yehovha, n’wina vakwetsimi vakwe,+Hikuva lava n’wi chavaka a va pfumali nchumu.+ כ [Kaph] 10  Swinghalana leswi nga ni ntshiva a swi ri ni swakudya switsongo naswona swi khomiwe hi ndlala;+Kambe loko ku ri lava lavaka Yehovha, a va nge pfumali nchumu lexinene.+ ל [Laʹmedh] 11  N’wina vana tanani, ndzi yingiseni;+Ndzi ta mi dyondzisa ku chava Yehovha.+ מ [Mem] 12  I mani munhu la tsakeke evuton’wini,+La rhandzaka masiku lama ringaneke leswaku a vona leswinene?+ נ [Nun] 13  Hlayisani ririmi ra n’wina eka leswo biha,+Ni milomu ya n’wina eku vulavuleni ka vuxisi.+ ס [Saʹmekh] 14  Fularhelani swo biha, kutani mi endla leswi nga swinene;+Lwelani ku kuma ku rhula, mi ku landzelela.+ ע [ʽAʹyin] 15  Mahlo ya Yehovha ma le henhla ka lavo lulama,+Ni tindleve takwe ti yingisa xirilo xa vona xo kombela mpfuno.+ פ [Peʼ] 16  Xikandza xa Yehovha xi nyenya lava endlaka swo biha,+Xi ta endla leswaku ku nga ha vulavuriwi ha vona emisaveni.+ צ [Tsa·dhehʹ] 17  Va huwelerile, Yehovha a swi twa,+Kutani a va kutsula emaxangwini ya vona hinkwawo.+ ק [Qohph] 18  Yehovha u le kusuhi ni lava va tshovekeke mbilu;+Ni lava va pfotlokeke emoyeni wa va ponisa.+ ר [Rehsh] 19  Makhombo ya lowo lulama ma tele,+Kambe Yehovha wa n’wi kutsula eka wona hinkwawo.+ ש [Shin] 20  U rindza marhambu hinkwawo ya munhu yoloye;Ni rin’we ra wona a ri tshovekanga.+ ת [Taw] 21  Khombo ri ta dlaya lowo homboloka;+Lava vengaka lowo lulama va ta voniwa nandzu.+ 22  Yehovha u kutsula moyaxiviri wa malandza yakwe;+Naswona a nga kona la tumbelaka eka yena la nga ta voniwa nandzu.+

Tinhlamuselo ta le hansi