Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 33:1-22

33  Huwelelani hi ku tsaka, n’wina lavo lulama, hikwalaho ka Yehovha.+Ku dzunisa ku fanele+ lavo lulama.   Nkhensani Yehovha hi haripa;+N’wi yimbeleleleni miloti hi swichayachayana swa switende swa miluko ya khume.+   N’wi yimbeleleleni risimu lerintshwa;+Endlani hinkwaswo leswi mi nga swi kotaka eka tingoti ta switende, mi ri karhi mi huwelela hi ku tsaka.+   Hikuva rito ra Yehovha ri lulamile,+Naswona ntirho wakwe hinkwawo wa tshembeka.+   U rhandza ku tshembeka ni vululami.+Misava yi tele hi musa wa rirhandzu wa Yehovha.+   Matilo ma endliwe hi rito ra Yehovha,+Hi moya wa nomu wakwe u endle vuthu ra wona hinkwaro.+   U hlengeleta mati ya lwandle onge hiloko ma ri edan’wini,+U veka mati lama vilulaka evuhlayiselweni.   Hinkwavo va misava a va chave Yehovha.+Hinkwavo vaaki va tiko leri noneke a va n’wi chave.+   Hikuva yena u vurile, kutani swi va kona;+Yena u lerisile, kutani swi yimisa xisweswo.+ 10  Yehovha u hahlule kungu ra matiko;+U hangalase miehleketo ya vanhu.+ 11  Xikongomelo xa Yehovha xi ta yima hilaha ku nga riki na makumu;+Miehleketo ya mbilu yakwe yi suka eka xitukulwana xin’wana yi ya eka xitukulwana xin’wana.+ 12  Ra tsaka tiko leri Xikwembu xa rona ku nga Yehovha,+Vanhu lava a va hlawuleke va va ndzhaka ya yena.+ 13  Yehovha u langute a ri ematilweni,+U vone vana hinkwavo va vanhu.+ 14  A ri endhawini leyi a tshamaka eka yona+U honolele hinkwavo lava tshamaka emisaveni. 15  U vumba timbilu ta vona swin’we;+U ehleketisisa hi mintirho ya vona hinkwayo.+ 16  A yi kona hosi leyi ponisiwaka hikwalaho ka mavandla ya nyimpi yo tala;+Munhu wa matimba a nga kutsuriwi hi matimba yo tala.+ 17  Hanci i vuxisi bya ku ponisiwa,+Hi vukulu bya ntamu lowu teleke wa yona, a yi ponisi.+ 18  Waswivo! Tihlo ra Yehovha ri le henhla ka lava va n’wi chavaka,+Lava rindzelaka musa wakwe wa rirhandzu,+ 19  Ku kutsula moyaxiviri wa vona eku feni,+Ni ku va londzovota va hanya hi nkarhi wa ndlala.+ 20  Moyaxiviri wa hina a wu langutele Yehovha.+I mupfuni wa hina ni xitlhangu xa hina.+ 21  Hikuva mbilu ya hina ya tsaka eka yena;+Hikuva hi veke ntshembo+ wa hina eka vito rakwe ro kwetsima. 22  Oho Yehovha, musa wa wena wa rirhandzu a wu ve ehenhla ka hina,+Tanihi leswi hi tshameke hi ku rindzerile.+

Tinhlamuselo ta le hansi