Pisalema 32:1-11

Ya Davhida. Maskili. 32  Wa tsaka loyi a rivaleriweke swiendlo swa kwe swo pfukela, loyi xidyoho xakwe xi funengetiweke.+   Wa tsaka munhu loyi Yehovha a nga vekiki xidyoho evitweni rakwe,+Loyi ku nga riki na vuxisi emoyeni wakwe.+   Loko ndzi miyela marhambu ya mina ma hlakala hikwalaho ka ku konya ka mina siku hinkwaro.+   Hikuva voko ra wena a ri ndzi tikela+ vusiku ni nhlikanhi.Ndzhongo wa vutomi bya mina wu hundzukile onge hiloko wu ri eku hiseni lokukulu ka ximumu.+ Seʹlah.   Eku heteleleni ndzi phofule xidyoho xa mina eka wena, nandzu wa mina a ndzi wu funengetanga.+Ndzi te: “Ndzi ta phofulela Yehovha ku tlula ka mina nawu.”+Naswona wena u ndzi rivalele nandzu wa swidyoho swa mina.+ Seʹlah.   Hikwalaho un’wana ni un’wana la tshembekeke u ta ku khongela+Hi nkarhi wolowo u nga ta kumeka ha wona ntsena.+Loko ku ri ndhambi ya mati yo tala, a yi nge n’wi khumbi.+   U vutumbelo bya mina; u ta ndzi hlayisa emaxangwini.+U ta ndzi rhendzela hi ku huwelela ka ku tsaka ka ku ndzi ponisa.+ Seʹlah.   “Ndzi ta endla leswaku u va ni ku twisisa naswona ndzi ku letela hi ndlela leyi u faneleke u famba ha yona.+Ndzi ta ku tsundzuxa ndzi veke tihlo ra mina ri ri ehenhla ka wena.+   U nga tifanisi ni hanci kumbe meyila leyi nga riki na ku twisisa,+Leti nkhinkhi wa tona wu lawuriwaka hi tomu kumbe pindza+Ti nga si tshinela eka wena.”+ 10  Lowo homboloka u ni switlhavi swo tala;+Kambe loko ku ri la tshembaka Yehovha, u rhendzeriwa hi musa wa rirhandzu.+ 11  Tsakani eka Yehovha mi tsakisisa, n’wina lavo lulama;+Huwelelani hi ku tsaka, n’wina hinkwenu lava lulameke embilwini.+

Tinhlamuselo ta le hansi