Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 30:1-12

Miloti. Risimu ra ku khanguriwa ka yindlu.+ Ya Davhida. 30  Oho Yehovha, ndzi ta ku dzunisa, hikuva u ndzi tlakusile+ Naswona a wu pfumelanga leswaku valala va mina va tsaka ha mina.+   Oho Yehovha Xikwembu xanga, ndzi kombele ku pfuniwa hi wena, kutani u ndzi hanyisile.+   Oho Yehovha, u humese moyaxiviri wa mina eSheol;+ U ndzi hlayise ndzi hanya, leswaku ndzi nga rheleli emugodini.+   Yimbelelelani Yehovha miloti, n’wina lava tshembekeke vakwe,+ Nkhensani xitsundzuxo xakwe xo kwetsima;+   Hikuva ku langutana ni ku hlundzuka kakwe i swa nkarhinyana,+ Ku kuma vunene byakwe i swa vutomi hinkwabyo.+ Nimadyambu ku nga ha ririwa,+ kambe nimixo ku ni ku huwelela ka ku tsaka.+   Loko ku ri mina, loko ndzi ntshunxekile ndzi te:+ “A ndzi nge pfuki ndzi tsekatsekisiwile.”+   Oho Yehovha, hikwalaho ka vunene bya wena u yimise ntshava ya mina hi ntamu.+ U tumbete xikandza xa wena; hi mina a ndzi vilela.+   Oho Yehovha, ndzi hambete ndzi ku vitana;+ Ndzi hambete ndzi kombela tintswalo+ eka Yehovha.   Hi wihi mpindzulo lowu ndzi nga na wona engatini loko ndzi rhelela emugodini?+ Xana ritshuri ri nga ku dzunisa?+ Xana ri nga vulavula hi ntiyiso wa wena?+ 10  Oho Yehovha, yingisa u ndzi komba tintswalo.+ Oho Yehovha, tikombe u ri mupfuni wa mina.+ 11  U cince ku rila ka mina ku va ku cina ka mina;+ U ntshunxe nguvu ya mina yo khwaxa, naswona u ndzi hlayise ndzi tikhame hi ku tsaka,+ 12  Leswaku ku vangama ka mina ku ku yimbelelela miloti, ku nga miyeli.+ Oho Yehovha Xikwembu xanga, ndzi ta ku dzunisa hilaha ku nga riki na makumu.+

Tinhlamuselo ta le hansi