Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 29:1-11

Miloti ya Davhida. 29  Nyikani Yehovha, n’wina vana va vanhu lava nga ni matimba, Nyikani Yehovha ku vangama ni ntamu.+   Nyikani Yehovha ku vangama ka vito rakwe.+ Nkhinsamelani Yehovha mi tisasekise hi ku kwetsima.+   Rito ra Yehovha ri le henhla ka mati;+ Xikwembu+ lexi vangamaka xi dzindzile.+ Yehovha u le henhla ka mati yo tala.+   Rito ra Yehovha ri ni matimba;+ Rito ra Yehovha ra vangama.+   Rito ra Yehovha ri tshova mikedari; Ina, Yehovha u tshovelela mikedari ya Lebanoni.+   U yi tlalambisa ku fana ni xirhodyana,+ Lebanoni na Siriyoni+ ku fana ni marhole ya tinkunzi to leva.   Rito ra Yehovha ra tsema hi malangavi ya ndzilo;+   Rito ra Yehovha ri rhurhumerisa mananga,+ Yehovha u rhurhumerisa mananga ya Kadexi.+   Rito ra Yehovha ri endla leswaku timhunti ti tshombonyoka hi ku lun’wa,+ Ri hohlota makhwati.+ Etempeleni yakwe un’wana ni un’wana u ri: “Ku vangama!”+ 10  Yehovha u tshame ehenhla ka ndhambi;+ Yehovha u tshama a ri hosi hilaha ku nga riki na makumu.+ 11  Kunene Yehovha u ta nyika vanhu+ vakwe ntamu. Yehovha u ta katekisa vanhu vakwe hi ku rhula.+

Tinhlamuselo ta le hansi