Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 27:1-14

Ya Davhida. 27  Yehovha i ku vonakala+ ka mina ni ku ponisiwa+ ka mina. Xana ndzi ta chava+ mani? Yehovha i khokholo ra vutomi+ bya mina. Xana ndzi ta chava+ mani?   Loko lava endlaka leswo biha va ndzi tshinelela leswaku va ta dya nyama+ ya mina, Va ri swirha swa mina ni valala va mina,+ Va khunguvanyeka va wa.+   Hambiloko ntlawa wa vanhu wu dzima ntsonga+ ku lwa na mina, Mbilu ya mina a yi nge chavi.+ Hambiloko nyimpi yo ndzi pfukela,+ Ni hi nkarhi wolowo ndzi ta va ni ntshembo.+   Nchumu wun’we lowu ndzi wu kombeleke eka Yehovha+ Hi lowu ndzi nga ta wu rindzela,+ Leswaku ndzi tshama endlwini ya Yehovha masiku hinkwawo ya vutomi+ bya mina, Ndzi vona ku tsakisa ka Yehovha+ Ni ku languta tempele+ yakwe hi ku tlangela.   Hikuva u ta ndzi fihla evutumbelweni byakwe hi siku ra khombo;+ U ta ndzi tumbeta endhawini leyi tumbeleke ya ntsonga+ wakwe; U ta ndzi veka ehenhla ka ribye.+   Kutani nhloko ya mina yi ta tlakuka ehenhla ka valala va mina lava ndzi rhendzeleke;+ Entsongeni wakwe ndzi ta endla xitlhavelo xa ku huwelela+ ka ku tsaka; Ndzi ta yimbelela, ndzi yimbelelela Yehovha+ miloti.   Oho Yehovha, yingisa loko ndzi vitana hi rito ra mina,+ Ndzi kombe tintswalo, u ndzi hlamula.+   Malunghana na wena mbilu ya mina yi te: “Lavani xikandza+ xakwe, n’wina vanhu.” Oho Yehovha, ndzi ta lava+ xikandza xa wena.   U nga ndzi tumbeteli xikandza xa wena.+ U nga hlongoli nandza wa wena hi ku hlundzuka ka wena.+ U fanele u va mpfuno wa mina.+ U nga ndzi fularheli, u nga ndzi siyi, Wena Xikwembu xanga xa ku ponisa.+ 10  Loko tatana na manana vo ndzi tshika,+ Yehovha u ta ndzi teka.+ 11  Oho Yehovha, ndzi letele malunghana ni ndlela+ ya wena, U ndzi rhangela endleleni ya vululami hikwalaho ka valala va mina. 12  U nga ndzi nyiketi eka moyaxiviri wa valala va mina;+ Hikuva timbhoni ta mavunwa ti ndzi pfukerile,+ Leti hlohlotelaka madzolonga.+ 13  Loko a ndzi nga vanga ni ripfumelo ro vona vunene bya Yehovha etikweni ra lava va hanyaka+—! 14  Tshemba Yehovha;+ vana ni xivindzi naswona u endla mbilu ya wena yi va ni matimba.+ Ina, tshemba Yehovha.+

Tinhlamuselo ta le hansi