Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 25:1-22

Ya Davhida. א [ʼA′leph] 25  Oho Yehovha, ndzi tlaku sela moyaxiviri+ wa mina eka wena. ב [Behth]   Oho Xikwembu xanga, ndzi tshemba+ wena; Onge ndzi nga tshama ndzi nga khomiwi hi tingana. Ndzi kombela leswaku valala va mina va nga khani ha mina.+ ג [Gi′mel]   Naswona a nga kona la ku tshembaka la nga ta khomisiwa tingana.+ Va ta khomiwa hi tingana lava xengaka kambe va nga humeleli.+ ד [Da′leth]   Oho Yehovha, ndzi tivise tindlela ta wena;+ Ndzi dyondzise mintila+ ya wena. ה [Heʼ]   Ndzi fambise entiyisweni wa wena, u ndzi dyondzisa,+ Hikuva u Xikwembu xanga xa ku ponisa.+ו [Waw]Ndzi tshembe wena siku hinkwaro.+ ז [Za′yin]   Oho Yehovha, tsundzuka tintswalo+ ta wena ni musa wa wena wa rirhandzu,+ Hikuva i swa hilaha ku nga riki na makumu.+ ח [Chehth]   U nga swi tsundzuki+ swidyoho swa le vuntshweni bya mina ni leswi ndzi ku pfukeleke ha swona. Ndzi tsundzuke hi ku landza musa wa wena wa rirhandzu,+ Hikwalaho ka vunene bya wena, Wena Yehovha.+ ט [Tehth]   Yehovha+ hi lonene naswona u lulamile. Hi yona mhaka leyi a letelaka vadyohi hi ndlela+ leyi. י [Yohdh]   U ta endla leswaku lavo rhula va famba hi xiboho xakwe xa vuavanyisi,+ Lavo rhula u ta va dyondzisa ndlela+ yakwe. כ [Kaph] 10  Tindlela hinkwato ta Yehovha i musa wa rirhandzu ni ntiyiso Eka lava va hlayisaka ntwanano+ wakwe ni switsundzuxo+ swakwe. ל [La′medh] 11  Oho Yehovha,+ hikwalaho ka vito ra wena, U fanele u ndzi rivalela ni xidyoho xa mina, hikuva i xikulu.+ מ [Mem] 12  I mani sweswi munhu la chavaka Yehovha?+ U ta n’wi letela ndlela leyi a faneleke a yi hlawula.+ נ [Nun] 13  Moyaxiviri wakwe wu ta tshama evuneneni,+ Vana vakwe va ta tshama emisaveni.+ ס [Sa′mekh] 14  Lava va vaka ni xinakulobye na Yehovha hi lava va n’wi chavaka,+ Ni ntwanano wakwe, u endla leswaku va wu tiva.+ ע [ʽA′yin] 15  Mahlo ya mina ma tshama ma ri eka Yehovha,+ Hikuva hi yena la humesaka nenge wa mina erikokeni.+ פ [Peʼ] 16  Hundzuluxela xikandza xa wena eka mina, u ndzi komba tintswalo;+ Hikuva ndzi tshama ndzi ri ndzexe naswona ndza xaniseka.+ צ [Tsa·dheh′] 17  Maxangu ya mbilu ya mina ma andzile;+ Ndzi humese+ emaxangwini ya mina. ר [Rehsh] 18  Vona ku xaniseka ka mina ni ku karhateka+ ka mina, U ndzi rivalela swidyoho+ swa mina hinkwaswo. 19  Vona leswaku valala va mina va tarise ku yini,+ Naswona va ndzi venge hi rivengo lerikulu.+ ש [Shin] 20  Rindza moyaxiviri wa mina u ndzi kutsula.+ Ndzi nga khomisiwi tingana, hikuva ndzi tumbele eka wena.+ ת [Taw] 21  Vutshembeki ni vululami a swi ndzi hlayise,+ Hikuva ndzi tshembe wena.+ 22  Oho Xikwembu, kutsula Israyele emaxangwini+ ya yena hinkwawo.

Tinhlamuselo ta le hansi