Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 24:1-10

Ya Davhida. Miloti. 24  Misava ni leswi teleke eka yona i swa Yehovha,+ Tiko leri noneke ni lava tshamaka eka rona.+   Hikuva u yi veke yi tiya ehenhla ka malwandle,+ Naswona u yi hlayisa yi simekiwe yi tiya ehenhla ka milambu.+   I mani la nga tlhandlukelaka entshaveni ya Yehovha,+ I mani la nga yimaka endhawini yakwe yo kwetsima?+   I munhu un’wana ni un’wana la nga riki na nandzu emavokweni yakwe naswona a baseke embilwini,+ La nga rhwalangiki moyaxiviri wa Mina a wu yisa eka leswi nga pfuniki nchumu,+ Hambi ku ri ku hlambanya hi vuxisi.+   U ta famba ni nkateko lowu humaka eka Yehovha+ Ni ku lulama loku humaka eka Xikwembu xakwe xa ku ponisa.+   Lexi i xitukulwana xa lava va n’wi lavaka, Xa lava va lavisisaka xikandza xa wena, Wena [Xikwembu xa] Yakobe.+ Se′lah.   “Tlakusani tinhloko, N’wina tinyangwa,+ Yimani, N’wina tinyangwa+ leti tshamaka hilaha ku nga riki na makumu, Leswaku Hosi leyi vangamaka yi ta nghena!”+   “Kutani, i mani Hosi+ leyi yi vangamaka?” “I Yehovha la nga ni ntamu ni matimba,+ Yehovha la nga ni matimba enyimpini.”+   “Tlakusani tinhloko, N’wina tinyangwa;+ Ina, ti tlakuseni, N’wina tinyangwa leti tshamaka hilaha ku nga riki na makumu, Leswaku Hosi leyi vangamaka yi ta nghena!”+ 10  “Kutani, i mani Hosi leyi yi vangamaka?” “Yehovha wa mavuthu—i Hosi+ leyi vangamaka.” Se′lah.

Tinhlamuselo ta le hansi