Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 19:1-14

Eka mufambisi. Miloti ya Davhida. 19  Matilo ma twarisa ku va ngama ka Xikwembu;+ Ni xibakabaka xi vula ntirho wa mavoko ya xona.+   Siku rin’wana ni rin’wana ra vulavula,+ Vusiku byin’wana ni byin’wana byi kombisa vutivi.+   A ma vulavuli naswona a ma na marito; Ku hava rito leri twakalaka leri humaka eka wona.+   Ngoti ya wona ya ku pima yi humele emisaveni hinkwayo,+ Marito ya wona ma fike ni le makumu ka tiko leri noneke.+ Xi veke ntsonga wa dyambu eka wona,+   Ri fana ni muteki loko a huma ekamareni rakwe ra vukati;+ Ri khana ku fana ni leswi munhu wa matimba a khanisaka xiswona loko a tsutsuma endleleni.+   Ri huma emakumu man’wana ya matilo, Ri rhendzeleka ri ya fika emakumu man’wana;+ A ku na nchumu lowu tumbeleleke ku hisa+ ka rona.   Nawu+ wa Yehovha wu hetisekile,+ wu vuyisa moyaxiviri.+ Xitsundzuxo+ xa Yehovha xa tshembeka,+ xi tlharihisa+ la nga riki na ntokoto.   Swileriso+ leswi humaka eka Yehovha swi lulamile,+ swi tsakisa+ mbilu; Xileriso+ xa Yehovha xi basile,+ xi hatimisa mahlo.+   Ku chava+ Yehovha ku tengile, ku yima hi masiku. Swiboho swa vuavanyisi+ swa Yehovha i ntiyiso;+ swi lulame+ hi ku helela. 10  Swi fanele swi naveriwa ngopfu ku tlula nsuku, ina, ku tlula nsuku+ lowu tengisiweke swinene; Swi tsokombela ku tlula vulombe+ ni vulombe lebyi tshonaka eswihlengeni.+ 11  Swi lemukise ni nandza wa wena;+ Ku swi hlayisa swi ni hakelo leyikulu.+ 12  Swihoxo—i mani la nga swi xiyaka?+ Ndzi vule la nga riki na nandzu eka swidyoho leswi tumbeleke.+ 13  Nakambe, hlayisa nandza wa wena eswiendlweni swa ku tikukumuxa;+ U nga swi pfumeleli leswaku swi ndzi fuma.+ Hi ndlela yoleyo ndzi ta hetiseka,+ Naswona ndzi ta tshama ndzi nga ri na nandzu wa ku tlula nawu swinene. 14  Marito ya nomu wa mina ni ku anakanyisisa ka mbilu+ ya mina A ku tsakise emahlweni ka wena, Wena Yehovha Ribye+ ra mina ni Mukutsuri+ wa mina.

Tinhlamuselo ta le hansi